|
رد: [ تعرفوا على دكاترة كلية الآداب من هنا ]
انجلش عام - يارا سلمان
دكتورة جميله بكل ما تعنيه الكلمة .. شرحها جميل جداً واسلوبها بعد .. بس اهم شي الأنضباط معها
اسألتها جداً سهله .. الله يسعدها
مهارات التعلم والتفكير - سناء ابشر
شرحها كويس بس تطول بشكل وتجيب سوالف مالها دخل بالمقرر .. اسألتها سهله وجميله
نحو 1 - منيره العفالق
شرحها جميل .. واسألتها جداً سهله .. بس لازم تتحملون اسلوبها وتسلكون ههههههه
تحرير عربي - سليمان عبدالحق
لو بيدي افصله من الجامعه فصلته .. ما يدري وين ربي حاطه !
يشرح شي ويجيب اسأله بشي ثاني !
يكلفنا بواجبات وبحوث ولا يعطينا عليها درجات !
يختبرنا ميد ويقول كنت بس اجرب فيكم ويرجع يختبرنا مره ثانيه !!!
واسأله كأنها اسألة قدرات ومالها دخل بالمقرر
ويظلم بالدرجات والتصحيح الله يسامحه
المقرر جداً سهل لكن ظلمنا وظلم المقرر
علم اجتماع - سهى العتيبي
الدكتوره جميله بشكل عام تشرح بأختصار
لكن ما يمدينا نلحق نخطط معها لأنها بسرعه تشرح
الماده يبيلها تركييييييز وانتي تذاكرين تحسين سهل
لكن بالأختبار تلخبط بشكل مش طبيعي
وتحلين وتحسين انه صح بالأخير اغلب اجوبتك غلط
يعني ركزو فيها وقت المذاكره لأنه يعتمد ع الحفظ
تقنية الحاسب والبرامج - ريم النعيم او نوره مش متذكره
شرحها جميل جداً واسلوبها بعد
متعاونه معنا .. اسألتها سهله وتساعدك كثير
الماده ثقيله لكن مسهلتها علينا الله يسعدها
قراءة ومحادثه - الهام الغنام
ما احس اني درست الماده اصلاً !
بس تقرأ وماتشرح شي وفوق كذا الأختبار شفهي
وتخليك تحفظين الكتاب لك وتجلس تسمع لك !!!
وحتى لو حفظتيه انسي تاخذين درجة حلوه عندها واحتمال تحملك الماده .. اغلب الشعبه اخذت ب 60 و 70
الله يسامحها
اساتذة المقرر الباقي يعطون اختبار تحريري وهذا افضل بكثير وكل اللي اخذو اختبار تحريري درجاتهم ب 90
انجلش قراءة - عذاري القحطاني
شرحها جميل جداً ، اهم شي تشاركين وتكونين منضبطه
اسألتها سهله
انجلش كتابه - مشاعل القحطاني
شرحها جميل و وافي .. اسألتها سهله
وبرضو اهم شي الأنضباط
صحة ولياقه - حسناء حمدي
هذي تحتاح موضوع لوحده
اولاً انتبهو تاخذون عندها .. راح تتعبين راح تطلع روحك
بالبدايه تسألك تبغون مشروع او اختبار
واغلب الشعب اختارو اختبار .. لكن هي تكذب وتقول اغلب الشعب قالو يبغون مشروع الا انتو تبغون اختبار ؟
وتقول هالجمله لكل الشعب !!
بالعربي هي تبغى مشاريع تطلع بأسمها لأنها جديده
ثانياً ما تخطط لك ابد و الماده دسمه
وشرحها تسليك
واذا ماحضّرتي تنقص الشعبه كامله درجتين مع كل محاضره
بس اللي يحضّر تعطيه الدرجه
تحضّرين يعني تحفظين فصل كامل ! لأن كل محاضره ندرس فصل كامل
المحاضره تبدأ 9 ونص
بس تخلينا نحضر من 9 وربع .. واللي تتأخر شوي تعطيها نص غياب .. تتأخرين نص ساعه غياب كامل
الأختبار انسي تاخذين 30 ولا 25 تحت العشرين الأغلبيه
لأن اسألتها جداً صعبه واشياء اول مره تمر علينا
المشروع تكلفك ماديا وتخليك تتعبين وكل شي على كيفها ولا شي يعجبها !! بالأخير تعصب عليك وتذلك !!! اسلوبها زفت عادي تعصب وتهاوشك ولا تحترمك وقدام الكل
وغيره حاجات كثير وفوق كذا تنتقد باقي الدكتورات وتقارن نفسها فيها وهذا غلط.. للأمانه ندمت اني اخذت عندها
طبعا الحسنه الوحيده اللي سوتها واعتقد علشان تحسّن الصوره بعد ماخلصنا لأنها لاحظت ان الكل ضدها من كل الشعب .. انها اعفتنا من الغيابات واعطتنا درجه كامله في المشروع لأنها كانت رافضه تعطينا درجة كامله
دكتوره مروه الكل يمدحها فالأفضل خذو عندها
فقه السيره - عفاف خوجلي
ما اقول غير الله يسعدها دنيا واخره
شرحها جميل و وافي وتستمتعين بالمحاضره
تخطط معك وتخفف عليك واسألتها سهله ومتعاونه
الله يوفقها ويسعدها
برامج الحاسب المكتبيه - هديل الزعبي
جميله جداً واسلوبها جميل شرحها جميل و وافي
والأسأله تكون موحده لكن سهله دائمه
تذوق ادبي - ريم القحطاني
الكل يشهد بأخلاقها وتعاملها واسلوبها الجميل و شرحها الأجمل وتعاونها واسألتها اللي اسهل من السهله
ياليت كل الأساتذه نفسها الله يسعدها دنيا و آخره
و الله يسامح اللي ظلمونا و يسامحنا لو ظلمنا احد
|