انا ما قلت ما راح اكمل الورشه انا قلت اكتفي بالاعمال الاداريه عندكم ملفات يبيلها تعدل شغل اضافه ازاله وخلافه
هذا بخصوص موضوع اني اكمل او لاء
اما بخصوص اني زعلت او ما زعلت يعلم الله ويشهد علي اني ما زعلت من احد ولا راح ازعل ولا احب اخذ الامور بشخصنتها
وانا بالملتقى من اول ترم للدفعه وتابعت وشفت وقريت كل الصدامات والضغوط السابقه للزملاء وما شاركت الا وانا حاسب حسابها
مشكلتي ما احب التدليس
المفروض كل شخص داخل يستفيد يبذل شوي جهد على الاقل عشان تساعده
لكن مسئلة ان كل شخص يدخل اخر صفحه ويسئل اي سؤال جاي على باله بغض النظر انه تم الجواب عليه سابقا او لا اعتقد صعبه وغير مقبوله وهذا الكلام الصح من دون اي مجاملات للاعضاء
ردي الاول اعرف انه جاف لان احد الاخوات اجتهدت بقوه بالرد على موضوع e وصورت طريقة الحل بالاله باستخدام الاله الحاسبه وبشكل مفصل
وكل اللي طلبته فقط ان العضوه الكريمه ترجع كم صفحه للخلف وتجد الاجابه على سؤالها
وبخصوص موضوع ال t و ال z له اكثر من جواب من خلال الورشه ومكتوب على شكل تنبيه في ملخص الورشه والدكتور شرحه بشكل مباشر ومع ذلك جاوبت ولا عندي مشكله
لكن موضوع ان ردودي تعجب ولا ما تعجب انا ما دخلت الورشه عشان اعجب ولا ما اعجب انا شاركت عشان افيد واستفيد
وبما اني انسان اعرف نفسي زين ( ما احب المجاملات ) واللي في قلبي على لساني اعرف ان الكثير ممكن يتصادم معاي
لذلك انا اكتفي بالمشاركه الاداريه عشان ما اجرح مشاعر الاخرين
وبس
ودي ورده للكل سواء للمجروحه مشاعرهم او اللي باقي ما انجرحت مشاعرهم
على فكره المحاضره المباشره الرابعه سحبت علينا(الذكور) الجامعه والله اعلم
