الاخت طموح الروح, صادقه الدكتور الن افضل دكتور مر علينا, الله يهدي قلبه للاسلام.
الاخ صاحب الموضوع, انا اختصرها عليك, الدراسه مابتخليك تتكلم عربي. عمرك شفت صيني ولا امريكي تعلم العربي من قصائد المتنبي ودراسة تاريخ العصر الاموي والعباسي؟ طبعا لا. لان اللغه المستخدمه وقتها مااحد يتكلم فيها حاليا. نفس الشي بالنسبه لدراستنا. 90% من المواد مابتسفيد منها بتطوير لغتك.
نصيحتي اذا انت بس تبي تتكلم انجليزي والشهاده بذاتها ماتهمك (يمكن عندك شهادة ثانيه او تبي تتكلم انجليزي وتتخصص بشي ثاني تحبه اكثر الخ) اذا لاتضيع دقيقه وحده بهذا التخصص. انت ممكن تتعلم اللغه بااقل من سنه سواء بتعليم ذاتي او معاهد او مدرس خصوصي.
اذا انت تبي الشهاده, اذا مالك الا انك تدرس للجامعه وتدرس على جنب بمعهد او لوحدك عشان تطور لغتك.
الحين احنا ب2015 ممكن تتعلم اي لغه بالعالم وانت ببيتك وماتصرف ولا فلس. في مواقع كثيره, كتب, مدرسين, تجارب ناس تعلمت اللغه. لا تظغط نفسك ان لازم تتكلم اللغه, بالاول خلي تركيزك انك تفهم. التحدث بيجي لوحده. اذا تبي تتعلم لوحدك ممكن اعطيك نصائح من تجربتي الخاصه بتعلم لغه لوحدي.