عذرا ع المداخلة
الموضوع ماهو مسألة قدرات !
ولا مسألة يشتغل دوامات !
بالملتقى تشرفت باعضاء واصحاب ورش!
وهم اصحاب مسؤولية مايعلم فيها الا الله
عندهم عوائل ودوامات مثلكم
اسالوا عادي وصدرتا رحب للاجابة وان شاءالله بخدمتكم ع طول
بس في امور انت تقدر تعتمد فيها ع نفسك وماتاخذ منك دقايق في التصفح بين الورش ..
ماله داعي نربك الطلبة بسوال جدا بسيط !
اي ملخص اعتمد ! شنو اذاكر ! عطوني النماذج ! حلولي السوال مو فاهمه ؟
طيب والورش كل شي فيها
وانوجدت لخدمتكم ...
واصحابها ضغطوا ع انفسهم والتزموا بالردود عليكم من بداية تسجيل المقررات للحين
يعني مومقصرين ،،،،
ليش نهضمهم حقهم ونركنهم ع جنب ونسال بالعام !!!!!!!!
خل نكون عقلانيين ..
انت تبي معلومة راح تعرف توصل لها ..
كل الموضوع نرتب انفسنا ..
الكل ينزل موضوعات بحجة المواضيع المهمة تضيع وصعب البحث عنها
وتحنا نقول ؛
عندك سوال للتحليل روح اسال التحليل
عندك سوال للمالية روح اسال ورشة المالية
شوية تنظيم ماتضر !
وبنفس الوقت المكان يترتب ..
وهم انتوا تلقون من اعضاء الورش اهتمام اكبر
بدل ماتعملوا نداء لهم بمواضيع مستقلة وتشتتوهم ..
وربي يوفقنا واياكم ونطلع باحسن المعدلات ..