انا قضيت فيها 3 سنوات وانسحبت موخرا وراح اجاوبك على كل الاسئله وانت وراحتك وانصحك تستخير قبل ماتدبس فيهم
بس محتار اروح جامعة الملك فيصل او الجامعه المفتوحه بالدمام
الفيصل طبعا
وبعدين كم سعرها اول سنه
ماتقدر تحدد لان حسب المواد اللي راح تنزلها بس لكل جدول لو انشالله فيه بس ماده وحه بياخذون عليك 750 ريال وبعدين ضيف هالمبلغ على مبلغ المواد اللي رح تنزلها بس اعتقد الجدول الواحد مايقل عن 5000 ريال او اكثر! طبعا باول سمستر رح تاخذ الانقليزي بعد اختبار تحديد المستوى ورح تاخد ماده عربي ايضا بعد تحديد المستوى ويمكن يسمحولك تاخذ ماده اخرى
ووين موقعها بالضبط بالدمام
حاليا انتقلو الى الدمام مقابل دوار التميمي
وهل لازم نسبه معينه في الشهاده والقدرات ولا مو لازم
لا مو لازم
وهل الدراسه نظااام ولا فوظى
فوضى وبقوة بعد
وكيف طريقة الدراسه فيهاااا يعني كم ماده ادرس
اذا تخصصت بالكثير تاخذ 3 مواد
وكم ساعه في الاسبوع ادرس
دورات الانقليزي ثمان ساعات اسبوعيا يعني يومين بالاسبوع وكل يوم 4 ساعات
اما باقي المواد ساعتين واسبوع اي واسبوع لا
وهل عليها اقبال كبير من اهل الخبر والدمام ولا
عليها اقبال بس على وشو مادري طبعا حمل المواد فيها بالهبل وانت تدفع طبعا عدد الساعات للماده الراسب فيها
انصحك ماتسجل وعموما الان مافي تسجيل للطلاب الثانويه الا يكون عمرك من 25 وطالع
موفق