|
رد: أَيه أُبَي أَنْسَى وَلَكِن تَعْشَق الْذِّكْرَى الْرُّجُوْع,,
خاوا جروحه وخلاهـا علـى ربـه
ذي آخر أخبار ( قلبي ) يا مشاويري
كله ذهول !! وهبـوب الغبنـه تهبـه
مغبون .. وعتابه اصدق من معاذيري
القلب: ( مركب سهر ) والريح تلعبـه
والموج ما يرحم ذنوبـي وتقصيـري
والحب : غبه ورى غبه ورى غبـه
فقدت فيها ثـلاث اربـاع تفكيـري !
مرات اقول الخطا مني وانـا السبـه
ومرات اقول السبب قسـوة مقاديـري
واعيني اللي تهـل الدمـع وتصبـه
على فراق سرق فرحـة تباشيـري
تقول سامح زمانـك والحـزن خبـه
واقول منهو يعوضنـي مخاسيـري ؟
وشلون اسامح زماني واللـي آحبـه
خذاه غيري وانا اولى فيه من غيري !
|