هلابك أختي
لا مو عندي أسئلتها بس إن شاءالله الأخوان مايقصرون ويجيبونها لك وأنا بحاول أبحث عنها لك.. رغم إني ما أحرص على أسئلة السنوات الماضية إلا إذا أبي أطلع على أسلوب الدكتور وطريقة انتقاءه للأسئلة لكن ما أخليها أساس أو مرجع للمذاكرة خصوصا مع دكتور مثل جزاء لأنه يعتمد على الفهم ومتدرج بأسئلته ويغير كثير الأسئلة وبعض الأحيان يقلب أسئلة أعوام السنوات الماضية بحيث إنه تكون الإجابة أخرى غير السابقة فلازم تركز معاه ، لكن أسئلته دائما متدرجة من السهل للأعلى ودايما يحط كم فقرة يميز الفاهم للمادة، صح إنه يكرر بعض الأحيان فقرات من أسئلته خصوصا السهلة لكن ليست كثيرة وصعب الاعتماد عليها معاه.
أنا ودي بيدي شي أقدمه يستفيدون منه الأخوان لكن نادراً يجي أحد يسأل عن معلومة يبي يفهمها أو يبي شرح شي معين بموضوع، وصعب الواحد يقدر يغطي مادة للطلاب، وإن قدر مره ظروفه ووقته مرة ثانية يمكن ما تسمح له حتى يدخل، وانفتح الترم هذا متصفح لكل مادة من نزول الواجب الأول وتم حل المناقشات والواجبات من المحتوى يعني أجوبة صحيحة بنسبة كبيرة جدا، لكن قليل ما نجي نسأل عن شرح معلومة، أو نناقش مسائل ونبحث فيها عشان نساعد بعض أو نفهم المادة.
وإن شاء الله نحاول نتعاون أكثر ونستفيد أكثر من تواجدنا
الله يسهلها عليك وعلينا وربي يوفق الجميع