ملتقى طلاب وطالبات جامعة الملك فيصل,جامعة الدمام - عرض مشاركة واحدة - اسئلة مراجعة إنطباعكم عن أختبار مادة ( علم اللغة النفسي )1436/7/18هـ

pc2pc · 2015- 5- 8

اقتباس:

المشاركة الأصلية كتبت بواسطة غزيّل الريم

-

يا جماعة بقى لنا سمستر واحد على التخرج من قسم الأدب الانجليزي بشهادة البكالوريوس بإذن الله ..
يعني صار لنا اربع سنين ندرس انجلش .. يعني الأسئلة اليوم كانت جداً جميلة بالنسبة إلى إنها أسئلة جامعية
في قسم انجلش !
شفيكم تبغون كل شي يجيكم بسهولة؟ قسم بالله اني كملت نص المحاضرات اليوم الصباح قريتها بتركيز ورحت اختبرت
زي الفل الحمدلله مرة سهل .. اوكي يبغاله تركيز والصراحة صدعت وطفشت وما كنت ابغى اراجع من قوة الطفش
لكن بشكل عام الأسئلة سهلة ..
مشكلتنا تعودنا ع الأسئلة السهلة والواضحة في اغلب المواد من بداية الدراسة
واذا جا دكتور زاد الجرعة حبتين قلبناها دعاوي و سب عليه الضعيف وهو ما غلط ! هو ماسك طلاب جامعيين
يعني يقدر يحط اصعب من كذا لكن ما صعّبها لدرجة انكم تزعلون وتدعون عليه !

أدري بيجوني ناس الحين يقولون انتتتي ما تعرفيييين ظروف النااااس ووش دراااااك ان احنا ما نذاكر
ووش دراااك ان احنا شسمه .. واحترمي الآخرين ومدري وش ههههه

لكن معليش رأيكم أتقبله وأحترمه وهذا رأيي .. اذا ما تبغون تتعلمون انجلش ليش دخلتوا قسم لغة انجليزية؟
أسألكم بالله ياللي تذاكرون ليلة الاختبار وتحفظون الأسئلة الماضية .. تحسون انكم استفدتوا لغة؟
تحفظون شكل الكلمة وتدورونها بالاختبار .. واذا جاب كلمة نفسس معناها ما عرفتوا تجاوبون وزعلتوا عليه، ليش؟
حرام المفروض نستفيد من بداية الدراسة .. نتعلم مصطلحات جديدة وقواعد أساسية
عشان لما نروح في مقابلة عمل وقال المدير تكلم عن نفسك .. تعرف تتكلم ما تخيس

بالنهاية أحب أقول كل واحد يحط انطباعه واذا أحد عنده اعتراض ياليت يكلمني بأدب لأني ما غلطت ع أحد
وما ودي بصراحة أغلط وشكراً

هذا الكلام ولا بلاش