..

اقتباس:

المشاركة الأصلية كتبت بواسطة طحينية الله يوفقك ويكتب اجرك ليتك صلحت للاخيرات هي اللي جننتني وخليت الاولات بس ماقصرت منقذنا

امم، لو سويت الأخيرات، فيه نسبة بتطلب الأولات ،،

أنا أخذ وقت بعملية التبسيط، أحاول أفهم المحاضرة، وأشوف النقاط الأساسية فيها
بعدها أحلل كل نقطة، وأشوف وش أنسب طريقة لعرضها.
بعضها أحطها بفقرة التعداد، وبعضها أحطها بجدول، ...
فكرة الجدول عندي أن أشوف النقاط المشتركة؛ حتى أحدد كم من عمود أو صف لازم أسوي قبل ما ابدأ فيه.
وبعدها أفرغ فيه المعلومات.

الشغله تأخذ مني وقت زي ما تشوفي، فهذا التبسيط سويته على السريع
مو برواقه كما كنت أسوي بالمستويات السابقة؛ بحكم أني بديت متأخر جداً جداً.

بما أن باقي 4 محاضرات، الأفضل قراءتهن بتركيز، وإذا فيه نقطة مهي مفهومة ترجعي لشرح الدكتور
أشوف شرحه جيد ويحاول يوضح النقاط بشكل بسيط.

اقتباس:

المشاركة الأصلية كتبت بواسطة وتين خالد يعطيك العافيه بس بغيت اسألك وش هي طريقتك في البحث عن الاسئله لكل محاضرة ومعرفه اي سؤال وين بيكون في المحاضرة هل تكون ملم بالماده ومطلع علي كل المحتوي واللا عندك برنامج يطلعلك هالسؤال وين موجود واي محاضرة بيكون موجود احيانا انا اطلعها من كلمه بحث في ادوب ريدر لكن احيان يفشل البحث ان شاءالله تكون فهمت عليا

طريقتي كالتالي:

• أكون مذاكر مثلاً المحاضرة الأولى، مخلص فهمها أو حفظها
• أرجع أشوف الأسئلة السابقة، وأمر على سؤال سؤال وأحاول أحله بدون الرجوع للمحتوى
  بهذي الطريقة كأني أخوض الاختبار نفسه، يعني هدفي هو التدريب وليس إيجاد الإجابة الصحيحة من المحتوى.
• لما أشوف سؤال من المحاضرة الأولى، أحله وأكتب جنبه رقم المحاضرة ونسبة تأكدي من الحل.
  بعض الأسئلة تعرف أنه مو تبع المحاضرة الأولى، فتعديه، تنتقل للي بعده لما يجي وقته وتعرف من أي محاضرة يكون.
• ...وهكذا لما أخلص الاسئلة للمحاضرة الأولى، بعدها أفتح المحتوى
  -غالباً استخدم ملازم الأعضاء اللي يطرحونها بالمنتدى، وهي اللي أذاكر منها- على المحاضرة الأولى وأخليه بجنب الاسئلة.
• أشوف السؤال اللي يخص المحاضرة الأولى من الاسئلة، أدور عنه بشكل يدوي؛ لأني توي مذاكر المحاضرة،
  فأعرف مكانه بالمحاضرة بدون بحث. وأتأكد من الإجابة أن كان صح خليته، وإن كان حليّ خطأ، صححته بلون أحمر.
• خلصت من المحاضرة الأولى، أنتقل لمذاكرة المحاضرة الثانية، وأسوي نفس الطريقة:
  • مذاكرة، حل اسئلة، إيجاد السؤال بالمحاضرة والتأكد من حله، هذي الطريقة بشكل مختصر.
• في النهاية أفرز الأسئلة كلاً حسب المحاضرة اللي تخصه.

هذا لو كان فيه وقت، غالباً أسويها لما أذاكر من منتصف الترم.
أما لو ما فيه وقت، وأبغى بس أفرز الأسئلة وتحديد من أي محاضرة تكون، استخدم طريقة البحث.
أنا استخدم برنامج Adobe Acrobat Pro كبرنامج لعرض ملفات الـPDF
إحترافي جداً ويناسب طريقتي بالمذاكرة؛ لأني جربت برامج كثيرة وما استقريت إلا عليه.


نرجع للبحث، لما تبحثي بملزمة معينة، فتأكدي أن النص يكون مكتوب وليس عبارة عن صور
وحاولي تبحثي عن كلمة مميزة بالسؤال، وإذا ما عرفتي خليه وروحي للي بعده
وأن خلصتي من الأسئلة وما عرفتي بأي محاضرة هو، أرجعي له بعد مذاكرة المحتوى كامل
يمكن يكون سؤال يحتاج فهم وما يكون مكتوب نصاً.
أو يكون سؤال من خارج المحتوى،
فتحتاجي تبحثي بالإنترنت عن حل له أو بالمنتدى لعل أحد ذكر إجابته.
وحددي أنه من خارج المحتوى.



أتمنى أن اللي ذكرته واضح، وإذا فيه أي سؤال لا تترددي.


..