2015- 5- 9
|
 |
أكـاديـمـي ألـمـاسـي
|
|
|
|
كل الي خايف من قواعد البيانات تعالوا
السلام عليكم ورحمة الله
اخواني واخواتي
المادة مهي صعبة لكن تحتاج تركيز و رواقة
حرام الحال هذا الي مسوينه في نفسكم والله مو في صالحكم
طول ما الواحد يقول لنفسه صعبه وليش ندرسها ومي تخصصنا
والله ماحتفهما لو جلست شهر تدرسها
لان هذي الكلمات تترسخ في عقلك الباطن وماتخرج منه الا بالكلمات الي عكسها
تجي تفتح الملزمة او اي شرح وانت في راسك انها صعبه مستحيل توصلك المعلومة
سواء صعبة ولا معقدة ولا زي مايحلو لك
هو مقرر الزامي علينا مافي منه مفر
قوم تعوذ من الشيطان وصلي ركعتين
واقرأ صفحتين من القران
سوي لك مشروب دافي
واجلس برواقة وافتح الملزمة
وحط في بالك انك في تحدي كانها لعبة تلعبها او برنامج جديد من برامج اللاب ولا الجوال
عليك تفك رموزه و لازم تعرف تستخدمه
حط في بالك الي نجحوا فيها اذكياء وانت غبي / لا طبعا
حط في بالك الي نجحوا فيها كلهم حبوها / لا طبعا
لاتقول بس انجح على الحفة قول ابي درجة حلوة و a+ بعد
لاتقول اوف وقول حان الوقت للتحدي ومافي شي مستحيل
حاول وحاول تفهم ولو مافهمت اكتب في ورقة و امشي للنقطة الي بعدها
لاتوقف واختم محاضرتين ثلاثة وبعدين ارجع للنقاط الي مافهمتها
لاتحسبوني فاهمتها 100% لكني حاولت فك رموزها وقاربت على الانتهاء بالتحدي والاصرار ولله الحمد
والاخوان ماقصروا في الشرح وما اكثر المواضيع والملفات اختار مايحلوا لك وتوكل على الله
بعزيمة وتفاؤل
واهم شي لا تدخل الامتحان وانت قلقان ولا مجهد لازم تكون ريلاكس على الاخير
كتبته على عجالة
نصيحة من القلب اوجهها لنفسي اولا ولكم ثانياً
تذكرت موضوع كتبته زمان من القلب للقلب الي  يمر عليه
وبإذن الله بكره نكون مبسوطين .gif "(204)")
وتفائلوا بالخير تجدوه
|