وعليكم السلام ورحمة الله وبركاته
بخصوص هذا الدرس أخي الكريم
خلها قاعدة عندك تمشي عليها
مبدأ التشاؤم Max Min
دائماً نأخذ الأصغر من كل صف ثم نختار الأكبر منهم
عندنا في الجدول صف خاص بالأسهم وصف خاص بالعقارات
لو ناظرنا في الجدول راح نلاحظ أصغر رقمين في صفين الأسهم والعقارات هما
-20 للعقارات
-40 للأسهم
لأنهم بالسالب
بعدين نشوف أي من هالرقمين الأكبر
راح نلاحظ أن -20 أكبر من -40
الحل يراح كون -20 اللي في الصف الخاص بالعقارات
مبدأ التفاؤل Max Max
نأخذ الأكبر من كل صف في الجدول ثم نختار الأكبر وننظر الرقم يتبع للعقارات أو الأسهم
لو رجعنا للجدول راح نلاحظ أكبر رقم في الصفين الخاصة بالعقارات والأسهم هما
40 للعقارات
80 للأسهم
إذا نتبع القاعدة وناخذ الأكبر من هالرقمين اللي هو 80 اللي يتبع للأسهم
مبدأ المخاطرة (الندم) Min Max
لو فرضنا في الجدول عطانا عنصر زيادة:
عقارات وأسهم والثالث (سندات)
1) نطلع التفائل Max Max اللي طلع معنا فوق (الأسهم) وقيمته 80
2) نطلع التشاؤم Max Min اللي طلع معنا فوق (العقارات) وقيمته -20
3) مبدأ المخاطرة Min Max راح يكون الثالث (السندات) بدون ما تفكر تختاره بس ضروري تخلي المخاطرة آخر شي بعد ما تطلع التفائل والتشاؤم قبله
أتمنى أكون قدرت أوصل لك المعلومة
وإن أصبت فمن الله وإن أخطأت فمن نفسي والشيطان
سائلاً المولى العلي القدير التوفيق للجميع
تحياتي أخي الكريم