|
إذا طـــاب الــزمــن
السلام عليكم ورحمة الله
معظم ماأكتبه من شعر هو قصص خيالية لاتستند إلى الواقع أو قصص أشخاص
ودمتم بخير
إذا طاب الزمن مرة وشفتيني فناديني
وصيحي لي بكل اللي مضى في خاطرك والبال
وجود الوقت لو يضمنه ضامن مافقدتيني
ولارآح بعيوني الناظر اللي م البصر انشال
وإذا مرة على الدنيا صدفتك او عبرتيني
وماناديت لاتبكين ترى الظلما رفيق الحآل
أنا ماشوف من مبطي ولا اهتميت أنا ويني
فقدت الشوف من فارقت شوفك كل شيئن حال
إذا مريت ناديني وضميني مع ايديني
عسى أحس في قربك وأزيح الغاشي اللي طآل
أظن الوقت مايسمح وظرف العمر وسنيني
ترى برحل..متى مدري..ولكن كلنا رحآل
طويت الدهر بلحالي وعبرت ديار تجفيني
وذقت اللي انكتب كله على الأقدار بالمكيال
وشفت اشياء بالدنيا تموتني وتحييني
وبإذن الله طويت الدرب وأعقبت اللذي مازال
أنا من يوم أقدامي وطت عالأرض تحديني
ولاتوقف ولاتتعب بكل أرض ـن وسيعة جآل
مدام انك وطن ماضي وحيد وكان يحويني
فلابعدك طلبت الدهر ولاعشت بزمن بطال
ولاأبغى ديار وأرض في غيرك توديني
وفية والوفاء أنتي ولادونك نشدت الفآل
وداعة وإن تقابلنا عسى ربي يقويني
على شوفك ولومرة ترى الناظر وأنا رحآل
التعديل الأخير تم بواسطة أمير القلب ; 2010- 7- 11 الساعة 06:10 PM
سبب آخر: .
|