-
بحاول اشرحها نظري وان شاء الله تكون مفهومه
اول دائره ، دايم المربع اللي فوق يكون صفر اللي هو الحد الادنى للمشروع
طيب المرحله الاولى طالع منها 3 اسهم اللي هي 3 عمليات صح ؟
نجي اول عمليه فوق شايف ع السهم مكتوب 4 نجمع عليه الصفر ف بيكون عندنا الحد الادنى للمرحله
هذي يساوي 4 ، طيب نجي ل السهم الثاني اللي طالع من المرحله الاولى مكتوب ع السهم 8
نجمع 8 مع المرحله الاولى اللي هو صفر فيصير عندنا الحد الادنى لها 8
الحين السهم الثالث مكتوب عليه 2 بس لو تلاحظ المرحله اللي تحت جاي لها سهمين ؟
ف ايش نسوي بالحاله هذي ، بما ان احنا جالسين نحسب الحد الادنى اللي هو يكون اكبر قيمه
ف نشوف اي سهم فيهم يعطينا اكبر قيمه ، نشوف السهم اللي جاي من المرحله الاولى وقيمه الحد الادنى له صفر
نجمعها مع القيمه اللي ع السهم 2 بيكون الناتج 2 ، نجي الحين لسهم اللي جاي للمرحله هذي مو فرق الحد الادنى لها طلعناه 8
وبما ان السهم مو موجود عليه قيمه ف بيكون صفر يعني 8+0=8
لو تلاحط القيمه الاولى طلعناها 2 والثانيه 8 راح ناخذ القيمه الاكبر لان نحسب الحد الادنى
ونكمل الحد الادنى لكل المراحل بنفس الطريقه ولو كان المرحله واصل لها سهمين ناخذ اكبر قيمه
اما المربع اللي تحت يكون الحد الاقصى بنفس الطريقه نطبقه بس الفرق هنا لو جاء للمرحله اكثر
من سهم ناخذ اصغر القيم وبس
اعرف الشرح النظري صعب ينفهم بس حاولت ابسطها لك ويارب اكون افدتك فيها "(