انا عندي اعتراض على الاعتراض وترى كلامي من واقع خبرة في مجال الاختبارات
اولا الدكتور ماله دور في تركيز الاسئلة فهذي يختارها برنامج الاختبار لما يسوي النسخ المختلفه
ثانيا لا يعيب الاختبار تركيزة على مواضيع معينة فالطالب مسؤول عنها كلها. المهم ما يخرج عن اهداف الماده
ثالثا الكلام عن مراعاة وضعنا اننا طلاب انتساب فهذي اعتقد بتنرفزهم لا اكثر
لا يصح تقول سهلوا لي ولا كرروا الاسئلة السابقة عشان انجح فهذا كلام لا احد يقبلهم من الطرفين
كيف تطلب معاملة خاصة كونك طالب انتساب وفي نفس الوقت تطالب بمسواة شهادتك بالانتظام؟
انا شخصيا اتفهم اللي ذاكر زين ولا قدر يحل واقول الله يعينه
لكن اللي يقول ذاكرت لين المحاضرة كذا ولا كذا وزعلان ان الاسئلة ما جات من اللي ذاكرها؟
ما ادري ينتظر يدقون عليه قبل الاختبار يسئلونه وش ذاكر بالضبط عشان يحطون منها الاسئلة؟
الاعتراض حق مشروع للجميع لكن حطوا اسباب معقوله ولا بتكون تضييع وقت
ركزوا على الاخطاء الاملائية ولخبطة الارقام وتكرار الخيارات الصحيحة مكن تمشي
واخيرا اتمنى قبول رأيي بصدر رحب
واتمنى التوفيق للجميع