أنـا مـا كنـت أنـا احبك .. أنــا كـنـت أعشـقـك و اخـتـال
أنـا كنـت اشربـك و اضمـاك و ارجــع اشــرب ادلالــك


أنـــا كـنــت بـزوايا الـكون اشـوفك عالم الآمال
و اشــوفــك كل هـالـدنـيــا بـعـيـنـي أنـت بـالـحـالـك


تـذكـر يـوم نتـخـيـل كـبـرنـا و صار عـنــدي عيـال
و قلـت آسـمِّـي بـأسـمك إذا مـاكـانـوا عيـالك


تــذكــر يـوم كــــان الـعـمــر يغـنـيـنـا فـرح مـوال
وادوزن خـطـوتـي بـسـكَّــه تـوصّـلـنـي عــلــى جــالك


هـنـاك الـمـدرسـه و الـســور و بـيــت مـحـمـد الـرحــال
جـدار و بــيــدك الـفـحـمـه تِـكـتِّــبْ بَــه و يـحــلالــك


بـأخر هـذي الــلــفــه بــقــالــة مــطــلــق الــبــتــال
و دايــم مِـنّــهــا نــاخذ حـلاوة تــشــبــة هــبالـك


تـجـنــن وانـت تـاكـلـهـا وتـعـطي مِـنّـهـا الـجـهـال
وتحـكـي هـذي مـن "فـطــوم" جابـتـهـا و انـــا قـبـالـك


كبـرنـا وصــارت وعــودك مـابـيـن الـعــم و الاخـــوال
ودايـــم حـجـتـي حـصــه لانــهــا بــس مَـرَة خـالـك

تهنـدم لـي عـلـى كيـفـي .. و تلـبـس لــي شُـمـغ و عـقـال
و اموووت ان شفت من زولك وطرف هـالثوب و عقالك

ويـوم اللـي خطبنـي زيـد ... غـرت وصـار حالـك حـال
و قــلـــت الـلـيـلــه الـلـيـلــه انــا مـهـلوك او هــالـك


لعينـك اركــب امــواج الخـطـر مـااسـأل عــن الأهوال
بعـد قلبـي صـبـر ع الـشـوق و زود العـشـق و اهـوالـك


بــعـد هذا تـقـابـلـنـا وْ جيـت بْــيـــدّك الـسلـسـال
تـلـفــه فــــوق عـنـقــي لـف كــأنـك تــوثــق حـبـالـك


تـقـولـي لا حـضــر مـوتــي امــانــه اقـطـعــي بـالـحــال
شـهـقـت وقـلـت مـن قـلـبـي فـال الله و لا فــالـك


سـألـتـك لـيــه يـــا روحـــي بـوجـهـك بـايــن الـغـربــال
تـــرى الاحـــزان يـاعـمـري ماخِـلْـقـت لـــكّ و امـثـالـك


و جــاوب هـالـدمـع عـنــك بـعــد شـفـتـه بـخــدك ســـال
عـرفــت انـــك نـويــت الـبـعـد عـــازم فــيــه تـرحـالــك


صـبـرت و قـلـت ابــي اصـبـر و لــو هــذا البـعـد قـتـال
ســنــيــن ارتــب آمــالـي .. و ازيــنــهــا بــآمــالــك

بعـد خمـسـه سنـيـن تــرد .. و ألـمـح فــي يـديـك اطـفـال
و أســأل .. منـهـم اطفـالـه ..؟ يقـولـون لــي هــم اطفـالـك

كـأنــه شـئ يـكـسـرنـي , يحـطـمـنـي , كــــذا و لازال
كــأنــه شــئ يـنـحـرنـي و يـرمـيـنـي عــلــى رمــالــك

تبسـم و انـت تسألـنـي : كيـفـك ؟ هــاه ؟ عــال الـعـال ؟
الـيــن الـيــوم مهـبـولـه ؟ و لـســه عـايـشــه اخـبـالــك ؟


و جـاوبـتـك و انـــا هـمــي عـلــى كـتـفـي يـهــد جــبــال
انـــا مـــا كـنــت اظـــن بـيــوم تـركــن فـوقــي اجـبـالـك

إذا كـــان الـوفــي مـهـبــول ..! ألا يــــا لـعـنــة الـعـقــال
امــااانـــه لا تـكـثـرهــا .. و بــيـــدك شـــــد سـلـسـالــك