ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية نظرية الترجمة د.أحمد حليمة الخميس 25\7

Doremi · 2015- 5- 13

غلو ، ماشاء الله موضوعك كنز

مليااان أسئله يجنن
مشكوره

اقتباس:

المشاركة الأصلية كتبت بواسطة كارزما

.

.

وحشتوني حبيباتي التجمع من غيركن ماله طعم
دوريمي + يونا + والنوري <--- قلوب تطامر ههههههه

كارزما

نورتي التجمع

اقتباس:

المشاركة الأصلية كتبت بواسطة xviisara

حبيباتي انا تكلمت عن شيء حاصل , مو تكلمت عشان انتظر دفاع او كم وحده يبررون لي صعوبة المنهج أو إسلوب الدكتور , وماتكلمت عشان انتظر وحدة منكم تمدح لي الثانية

و أظن ما طلبت أحد يعلمني إذا انا ذاكرت أو فتحت الكتاب او لا :)
لكن لو أي شخص عنده طاقه سلبية زايدة , الأفضل إنه يحتفظ بها لنفسه
إنتو مو أول ولا آخر دفعه مرّت بهالمقرر الا اذا كان لهالدرجة مارّين بصعوبة مأثره عليكم , لدرجة يمر اليوم واليومين وانتو للحين في المحاضرات الأولى!!!
لو بنجلس نتحلطم , راح نبث الطاقه السلبيه ذي في الطلاب والطالبات اللي يجون هنا وينتظرون الفايدة
أخر شيء بختّم فيه كلامي , عنوان هذا الموضوع "مذاكرة جماعية.." مو "تجمع للسوالف وتبادل الحلطمه.." ياحبيباتي

و الله يوفقنا لما يحب ويرضى ..

ما أدري ليش الكل فاهم أننا متحطمين لما يشوفونا شادين حيلنا ونذاكر الماده بشكل دقيق ومطول..
هل المطلوب نذاكر أسئلة الأعوام الماضيه علشان نكون متفائلين وننشر الإيجابيه بالأرجاء؟

ماعندنا أي طاقه سلبيه والحمد لله متفائلين أننا أول دفعه راح تنجح بمعدلات عاليه مع حليمه..

وإذا انتي مختمه الماده خلاص ليش داخله التجمع تدورين شرح؟
وجود أشخاص لسى بالمحاضرات الأولى ومتفائلين أنهم بيجيبون A+ مو إيجابي كفايه؟
ولا لازم المجاملات والكذب علشان نلعب على أنفسنا؟

والسوالف ما سولفنا في مواضيع خارجيه، كله نشجع بعض ، أبسط حقوقنا..

للعلم مخلصين الماده من قبل ونبغى نتحدى أنفسنا نجيب فيها علامات عاليه ، علشان كذا لسى في المحاضرات الأولى ..