|
رد: إنطباعك ( قبل ) وبعد الإختبار : ريادة الأعمال
اللي حصل اليوم عند البوابات شي ماينسكت عليه وأي متضررة تبادر برفع شكوى رسمية ضدهم
خير يصرفون القوانين من كيسهم !! هذا طبعاً غير عن سوء المعاملة اللي نلاقيه من بعض المشرفات ..
ومسوين علينا حنا اللي نختبر بالمبنى 100 حظر تجوال على المبنى الرئيسي ومشتغلين حرس حدود
كل مامشيت في ممر مسكتني وحدة انتي وش جابك هنا تقول نقطة تفتيش! يأوومي مالك فيني !!
وكل يوم آخذ لي سالفة وتحقيق عند البوابة عشان أقدر أدخل المصلى تقول داعشية < هذا إذا سمحوا بعد .gif "(107)")
نجي للاختبار ومااا أدراك مالإختبار 
مستوى الأسئلة متوسط قليلاً سهل كثيراً .. تحتاج لمزاج مفكك ورايق وفاهم طبخة الأسلوب عشان تنحل
فيه سلبيات كثير من ناحية وضع الأسئلة وطريقة عرضها .. أسقط جزء كبير من المنهج وركز على خمس أو ست شغلات
وجلس يحوس بالأسئلة عليها وأهمل أمور كثيرة لها وزنها ومكانتها من المقرر
<< طبعاً الشواذ من الأسئلة لاتحسب أتكلم عن أفكار معينة رمى كل ثقل الأسئلة عليها
طريقة عرض الأجوبة المصفوفة جنب بعض اللي مابينها إلا نقرتين سبيس تنرفز وتشتت النظر أو السؤال في صفحة والاجابات في صفحة!
+ نفسي أعرف من استحدث فكرة النموذج الرابع وليه الزحمة والقلق!
عموماً انطباعي أختصره في الصور أدناه 
قبل
بعد
وتصبحون على خير 
|