2015- 5- 15
|
#157
|
|
صديق قسم إدارة الأعمال
|
رد: ما حدث من د. ناصر عبد العال ( غش وخداع للطلبة ) هنا شكوى رسمية .
عليكم السلام ورحمة الله وبركاتة
يالإيطالية
أسمحي لي أبدي إعجابي بالبشت
صراحه شكله سكبه علي
قرأت ردك كلمة كلمة
لأني المقدمة كانت دراما أليمه
قلت بشوف خلود وش عندها
إللي ذاكر بطريقة سليمة ما عليه خوف بإذن الله
لكن معاناة الطلبة هنا وفي إللي صار مع الإلكترونية تتفاوت
للمرة المدري كم أكرر وأقول الشكوى هاذي كتبتها
إيماناً مني إن الطلبة تم خداعهم وتزيين الأمر لهم
ولا لو تبين الجد
عندنا طلبة يفقعون المرارة ويلحقونها البنكرياس
ولا هو هذا المجال إللي يسمح أني أسرد قصصهم وبطولاتهم
مع الإختبارات
يكفي أن كثير منهم يوم الإختبار ما يعرف أسم الدكتور
ولا نلوم الدكتور إذا ما جابوا نتيجة
لأن هاذي مشكلتهم
لكن إن الدكتور يعطيهم فرصة لهذا الفعل
ويخلي الدنيا فوله حلوه منوره لهم
ويقول لا يهمك المادة هاذي مادة رفع معدل
وبعدين يصكهم بصاروخ أرض أرض
قاموا يكحكحون منه في قاة الإختبار
على طاري قاعة الإختبار
اليوم في القاعة بعد ما خلصت وأنتظر تسليم الورقة
قمت أناظر في ردة فعل الناس اللي حولي
فيه ناس مخلصين وينتظرون تسليم أو راقهم
وفيه ناس منهمكه تحل
وفيه أثنين لفتوا أنتباهي وقمت أشوف وش عندهم
واحد منهم
طول وقت الأختبار وهو كل شوي يقول بصوت مسموع
لا حول ولاقوة إلا بالله
ويتشهد
الثاني على يميني اشوفه متكوم على الورقة وشماغه من الأجناب مغطي وجهه
وورقته
المهم الحبيب هذا معه جوال
وكل شوي يطلعه من جيب الثوب الأمامي
ويفتح صفحه ويقرأ شوي ويرجع الجوال بحركة سريعه ما يحس فيه أحد
المهم كل شوي يقرأ لكن ما يكتب شئ
توقعت شئ وضحكت
حس فيني ورفع راسه وناظر فيني وأنا أتبسم
قال حسبي الله ونعم الوكيل
حتى وأنا أقرأ الملخص ما حصلت إجابات للأسئلة
شكله داخ مثل دوختك ياخلود
وفتح على ملخص فقه السيره
المهم
صباح الخير للجميع
<<<< وش يبي هذا
ليه ما يروح يكمل نووووم
|
|
التعديل الأخير تم بواسطة N0000N ; 2015- 5- 15 الساعة 06:04 AM
|
|
|
|