-
والله احس الموضوع ع الجرح ي ختي
شوفي انا دايم احمس روحي بالمستقبل
حاطه قدام عيني اشياء جميله ومستقبل زاهر وطموحات كثيره
صدق مرات اتعب من كل شي واتحطم بس يرجع العزم بعدين ماعليك
اول شي لمن تذاكري مهما كانت الماده دسمه وخايفه منها حطي ببالك
انو انتي تقدري تجيبي فيها درجه كويسه انتي قادره ع كل شي وهشي موصعب عليك
ثاني شي هيئي لروحك جو مذاكره حطي روايح تحبيها بالمكان اللي بتذاكري فيه مثل بخور او عطر الاناره كمان مهمه وجيبي عفش المذاكره كله
وذاكري بالكتابه دام كله حفظ لان اذا شغلتي كذا حاسه معك وانتي تذاكري كل مارسخت بذهنك لمعلومه وماتنسيها
ثالث شي بعد كل جزئيه تخلصيها كافئي نفسك بشوكلت تحبيه مثلا او اي شي ثاني وخذي بريك طلعي منه من جو المذاكره
واهم شي لاتنسيه وحطيه ببالك دايم التوافيق من الله والله بيعطيك ع تعبك
والله يرزقنا وياك اعلى درجات بدنيا والاخره