المشاركة الأصلية كتبت بواسطة مغاط

بيت الدميه ،
تدور احداث القصه عن مرتن سنعه اسمه حصه ( نورا ) وزوجه مادري وشبوه تعيبان اسموه دحيم ( هلمر) ، حصه راحت تعالج دحيم نصحوه الدخاتره هكالايام توديه لحايل ، ( ايطاليا ) ، الضعيفه ضاقت به الوسيعه وراحت وتسلفت من صديق رجله السلمي ( كروجاستد )
واخذت منوه عشر اكياس بُر ، دين وتردهن بفوائد المهم راحت لابوه واثروه تعيبان المهم قامت حصه ووقعت عن ابوّه زورت توقيعوه ، المهم بعد ماودت رجله لحايل ( ايطاليا ) تعافى وزانت صحتوه ، رجعوا للقصيم المهم ، بعد فتره توظف رجلتس ياحصه وحطوه مدير بنك ، وكان يشتغل بوه قليل مخافه الله السلقي السلمي ( كروجاستد ) الي متسلفتن منوه المقروده حصه الدراهم ، ورجله ناوي يطيروه يقول انوه خسيس وسروق واخلاقوه مثل فرتوه ، المهم السلمي هدد حصه اذا ماقنعت رجله انه يخليه بالبنك ترا بيفضح دينك وانتس موقعه عن ابوتس ترا بعلم رجلتس دحيم وهذا تزوير ، انخلعت حصيصه وجته ام الركب وضاقت به الوسيعه ، جته صديقته من قريتن حولهم اسمه رقيه ( ليند ) وقالتله سالفته وتقول رقيه اني تزوجت رجال دراهموه واجد عشان امي تعيبانه واخواني الثنين اعولهم ، ومات رجلي وخسر ثروتوه كله ، وانا جايه ياحصه وسامعه ان رجلتس مدير بنك وداخلتن ع الله ثم عليك ان تضبطينن وتخلينوه يوظفن ، اومت براسه حصه وقالت ابشري بكلموه ،
دحيم كان يدلع حصه ويقوله ( الحصي الصغيره ) و( حصيصه ام قصيصه ) ومن هالخراط ، وكان يقوله خليك اقتصاديه بالدراهم ولاتاكلين الحلويات تراه تخرب ضروستس ، وكانت حصه تاكلهن بالسر وهو مايدري .
المهم كلمت رجله للسلمي عشان مايفصلوه قال هذا هيسن اربد وبفصلوه ولا ابيه ، ينادين بالدوام السلي والديك معيارتوه
المهم ضاقت به الوسيعه حصه وفكرت تطب من فوق النخله ، وكان خوفه كلوه عشان مايتضايق رجله ويلوم نفسه ، بعد مده جاء دحيم وهدده مرتن اخرى وبعدين حط الرساله للرجله بالبوكس وطلع وقراه رجله وانجن ، وقال بخسر وظيفتي عشان دباشه حصه ، ولافكر بسواياه الي سوته عشانه النذل المروح يهب ياوجهوه ، قليل الملح الديك .
المهم جت وشسمه هذيك رقيه وخقخقت السلمي وجابتوه ع وجههوه ، وخانت صديقته

حصيصه ، قالت قصيده مطلعه
الا يالله ياعالم بحالي تزيل الهم عن قلبي تزيله
صبرت سنين وايام وليالي
ويدك لامدت وفا لاتحرى وش تجيب كان جتك سالمه حبها وخشها


وتوته توته انتهت الحتوته (: