السلام عليكم ورحمة الله وبركاتة
في البداية حقيقة انا اعتذر يمكن ما أكون متواصل معكم في المنتدى لالتزامات وفوق ذلك دوام والوضع اللي احنا فية زاد الضغط اكثر ولكن كفيتوا وفيتوا وانا اعتير اللي تقدمونة لنا كجغرافيين خصوصا يخص الناس اللي ما عندها وقت لاي ضرف كان احيانا بس اجمع منا ومنا قبل الاختبار بيوم ما عند الواحد وقت احيانا يبحث في النت اويدخل على الموقع .... عاد دوام واختبار في العصر لكن الله يسهلها ....
*اما عن الاختبارات فأنا اختبر في حفر الباطن دائما وحيد . احيانا اقابل واحد والقاه غير المستوى اللي انا فية
* والمواد تختلف اما المواد اللي انا اختبرها فدائما وحيد ...........
*مراكز الاختبارات جيدة من ناحية المواقع .... اما المراقبين ( لا تعليق ) آآآآآآآآآآآآآآآآآه
*اختبار الترم هذا حقيقة مش ولابد ...... الأسئلة دائما تكون شاملة ولا يمدي الواحد يلحق فينجبر يختصر وفي النهاية يجيب العيد
حقيقة لي تعليق على المقالي بإمكان الدكاترة يسهلون على الطلاب لا يستغلون كلمة مقالي ويجيك يدهر
اذكر / اشرح / عدد / وضح .... الخ بالامكان مثل ما سوى دكتور مادة موضوعات جغرافيا وضع اسئلة تشمل الطالب اللي مذاكر وغي المذاكر ( صح و خطأ - فراغات _ يعني اختبار ميسر تقدر تعدي المادة
اما سالفة اشرح وعدد هذا يبيلها حفظ ..
لكن الاسئلة المقالية هي من صالح الدكتور ما يتعب راسة في وضع الاسئلة مقالية ما تأخذ كتابتها 10 دقايق
اللي اتمناه من الجميع في حاله ان اتضح من اول لقاء مباشر ان الاختبار مقالي الجميع يكلم دكتور المادة ويضغط علية اما يحذف بعض المواضيع او يحط اخبار يشمل جيع المستويات ( ضعيف - متوسط - جيد ) اي تشمل ( الخيارات - الصح والخطأ )
المواد اللي اختبرتها الترم هذا كانت نصوص جغرافية 1 - الجغرافيا التاريخية - موضوعات جغرافية معاصرة - تطبيقات بشرية - نظم متقدمة - اصول البحث الجغرافي - تاريخ الخليج العربي )
وآسفين على الاطالة .
أسأل الله لي ولكم التوفيق والنجاح !