المشاركة الأصلية كتبت بواسطة ناصرالناصر قصيدة رائعة عن الفراق عقب البطا لاقيت ظافي الجديلات = ياليتنا عقب البطا ماالتقينا

تكملة أبيات الشاعرسعود الهاجري للقصيدة الأولى كانت بقصة أخرى حصلت بعد مرور سنوات على القصيدة


كررت عقب البطا والتقينا=من عقب مامرن سنينٍ طويلات
في صدفةٍ فيها حشا مادرينا=ولاهقينا نلتقي عقب مافات
لاشك جابتها الليالي وجينا=رغم الفراق ورغم ذيك المسافات
في موقٍف بان التوتر علينا=لحظه تلين إبها القلوب القويات
قالت شلونك قلت ربك عوينا=الحمد لله عاضني عقب لوعات
الله رزقني في هنوفٍ تبينا=احيت خفوقٍ كان بعداد الأموات
هي نور عيني فرحتي والضنينا=ألقابها عن ظيقة الصدر سجات
قالت سليت وقلت عقبك سلينا=لكن عقب مالاعنا الحب مرات
قالت شلون وقلت لاتسألينا=مافات فات ولا تفيد الحسوفات
قالت تكلم قلت مهما حكينا=الدمع ماينفع عزيزٍاليامات
قالت نسيت وقلت لامانسينا=لكن قنعنا والقناعه من الذات
قالت أروح وقلت وش في يدينا=روحي عسى في كل خطوه سلامات
بصبر على فرقاك مهما حيينا=ولا تشوه صادق الحب زلات
قالت على ماكنت دنيا ودينا=تكرم ونكرم عن دروبٍ رديات
قلت اسمحيلي قبل لاترحلينا=يم الديار اللي علينا بعيدات
تراي ذخرٍ لاحدتك السنينا=اجيك مهما واجهتني صعوبات
من اليوم اخوك وغيرها ما بغينا=كلي فداك ان صار بالوقت ميلات
وتبسمت بإعجاب مدري حنينا=وتهشمت قدام عيني بعبرات
قالت فمان الله قلت انتهينا=واقفت تكلم نفسها بس بسكات
وقفت تقديرٍ لها ثم مشينا= دربٍ مشوه اهل القلوب العفيفات
امشي واردد ليتنا مالتقينا = وش جابها عقب السنين الطويلات
تحياتي ودمت بخير