محمد الوليدي
الغربة اللي طولت وقت الأيام
وبعد المسافة عن ديار الأهالي
ماعاد تفرق يوم أرسلت الأقلام
تكتب لغربة حاضري (مايبآلي)
شق الطريق وحط موثوق الأحلام
يحقق اللي راد والـرآس عـآلـى
في كل ديرة رحت مشياً بالأقدام
محدن خطى وياي والدرب خالي
أعيش في الغربة شهور وأعوام
محدن يصب الماء أشرب لحالي
ماقد رضيت أقول للحظ منلام
لالا..وأشيل الحظ وأشيل حالي
وأقول للأقدار ترى الدين إسلام
أفـخر بحكم الله والأجر غالي
ماجاب هذا ربي إلا لمقدام
يعرف خفايا العلم في كل تـالي
قد صابه أشياء ماتجي وسط الأحلام
مثل التصادم في نطاح الجبالي
مافيني إحساس البشر بإسم( آلآمـ)
مخلوق لكن اسم صنفي خيآلي
طيب ولكن مايحطمني إحطام
أمشي على رجلين والقلب خالي