|
ارفع شكوى ضدي للدكتور أحمد فرحان
السلام عليكم ورحمة الله وبركاته اسعد الله قلوبكم جميعاً برضاه . الحمد لله على كل حال قصتي باختصار أنا في المستوى الثامن ووقت ما كنت انزل المواد بدية السمستر تنبهت ان فيه مادة عندي من المستوى الرابع ما انتبهت لها الا وقت تنزيل المواد اشوف المادة الا هي ( التحليل الاحصائي ) نزلت المادة واتكلت على الله ولا أدري وش محتوى المادة الا بداية الاختبارات افتح المذكرة الا الدعوى طلاسم ولا فيه وقت اذاكرها واخلي الاختبار اللي عندي ( طبعي ما اذاكر المادة الا ليله الاختبار ويومه بس لا محاضرات مباشرة ولا مسجلة بس المذكرة اللي اخذها من المكتبة) ولا عرفت المنتدى فعلياً الا هذا السمستر وكانت خسارة بالنسبة لي كبيرة فاتني جهد زملائنا الفاعلين في المشاركات الفعالة والكويزات المميزة ، فتحت المنتدى البارح وحاولت امسك بداية خيط افك فيه طلاسم المادة ما قدرت قلت الله يعين على حمل المادة ( قاطع الرجاء باليأس ) . رحت لمدرس اليوم الصباح وصار يشرح في ديرة والمادة في ديرة طلعت منه بخفي حنين و اعانني الله اليوم وفتحت محاضرة الدكتور الـ 14 وبديت اتابع معه قبل الاختبار بساعة بس الا الوضع ممتاز والشرح يبرد الخاطر ولا عاد فيه وقت للاختبار طلعت وانا ما خلصت ربع المحاضرة استلمت الاسئلة وبديت الحل حسب الشرح تأكدت من 15 سؤال اني حليتهم صح والباقي الله العالم . ومما حدث لي حبيت اشتكيني للدكتور احمد فرحان واقول له انت مكسب لكل صرح تعليمي في سلاسة شرحك وروعة طرحك وتيسيرك على الطلبة . اتمنى لكم +a جميعاً . غصتني العبرة يوم انتهى نص وقت الاختبار وطلعوا الطلبة كلهم الا انا وثنين معي اكيد وضعهم مهوب بعيد مني .
|