|
من الأعماق شكر خاص لأخوي صالح الزايدي والدكتور الملحم
السلام عليكم ورحمة الله وبركاته
صباح/مساء الخير للجميع
الحمدالله انتهت الامتحانات وعسى الله يوفقنا ونعدي
الخوف من مادتين
برامج الحاسب وعلم الاجتماع
بالنسبه للتذوق الادبي المفروض يغيرون اسمه للأنحراف الادبي اي ادب وبطيخ صيفي كله غزل بغزل وسجون وأسر وحسد وقلت حياء
سويت ملاحظات الترم الاول ووافقني عليها من وافق ورفضها من رفض
والان ملاحظات الترم الثاني
وخصوصا التواصل اللي صار بالترم الثاني هنا سيء جدا من وجهة نظري الخاصه الشرح/وبعض الالفاظ/وبعض المشرفين مقارنه مع كثير من المستويات اللي تواصلها قوي جدا وتعاملهم ممتاز
الى درجة اني احتجت في برامج الحاسب شرح الدوال وتم شرحها لي في قسم آخر بطريقه سهله جدا وسلسله وحصلت تجاوب قوي جدا مع العكس ما يحدث هنا
مع العلم ان الترم الثالث القادم ستكون نفس المجموعه وراح يزاد عليهم طالب او طالبين فقط يعني ماراح يتغير شيء الا بجهد الموجودين فاتمنى زيادة الجهد بالاترام القادمه
لا انسى اشكر اخوي العزيز صالح الزايدي على ماقدمه اليوم قبل الاختبار من جهد كبير
الغالبيه يقولون سهل اللي سواه اخونا صالح وانا اقول اذا سهل ليش ما دليتونا على الخير مثله
اغلب الطلبه ذبحهم الحسد عشان ما احد يتفوق عليه ما يبغى يعلم الناس ويرشدهم
ماقصرت اخوي صالح وبيض الله وجهك ورايتك بيضاء
لا انسى اشكر الدكتور الملحم الله يوفقه دنيا وآخره
وبالتوفيق للجميع
التعديل الأخير تم بواسطة نيف1 ; 2015- 5- 19 الساعة 02:34 AM
|