ما ازيد على الاخوان اللي سبقوني الا:
1- مادة عصر النهضة .. ملزمة مس هيفاء جامعة لكل المحتوى و ممتازة .. و مترجمة لكن المادة دسمة (فيها مصطلحات جديدة و احس مستواها اعلى من باقي المواد الثانية فلازم تفهمون اللي يقولة .. الملاحظة البسيطة في ملزمة مس هيفاء ان احيانا يترجمون ترجمة حرفية لكل كلمة .. و كذا يضيع معنى الجملة الحقيقي .. و حتى و انت تقرى العربي تحس انه غير مفهوم او مو راكب مع بعض ..
الحل اقروا مره و اثنين و ثلاثة .. ترجموا بس مو لازم حرفي حاولوا تفهمون المقصد من الجملة .. بس جميلة المادة تتكلم عن عصر الاصلاحات و مشاكل الكنيسه و صراعها مع العلم و الاكتشافات العلمية و ايضا قصائد و مسرحيات.
2- مادة المنظومة النحوية .. افضل طريقة لها و نصيحة ندمت اني ماسويت الا قبل الاختبار بيوم ... اكتبوا الانواع و القوانين و التفرعات في ورقة خارجية او ارسموها رسم .. انا طلعت معي 7 صفحات بس مع ان الملزمة يمكن كانت 150 صفحة .. الخريطة دخلت مخي على طول و لا عاد صرت الخبط بينهم ..
3-قواعد البيانات و الحاضر الاسلامي مواد حفظ و الصفحات اكثر من مستوى 3
4-الانشاء و النثر و الاستماع جميلين جدا .. و لو عندك خلفية بالانجليزي بتصير سهلة و مقاربات لمواد مستوى 3.
اخيرا .. و اهم نصيحة .. ذاكروا اولا ثم ثانيا ثم ثالثا .. ثم حلوا الكويزات و التمارين مع الدكتور .. هالمستوى الكل لاحظ اخطأء في حل بعض الملازم و حتى فيه مواد دكاترها يحلون غلط و بالمباشرات لما احد يناقشهم يقولون صح عليكم امشوا على القاعدة و اتركوا حلي .. بس بعد مايقسمون الطلاب بين مجموعتين.
مواد هالمستوى دسمة و حفظ بشكل كبير .. فأبدوا من بدري ..
و بالاخير تراه جميل جدا و مختلف عن اللي قبله .. يعني راح تحسون انكم فعلا تخصص انجليزي ..
الله يوفق الجميع