ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام نصيحـــه من مستوى رابعـ لمستوى ثالثـ

{تهاويل} · 2015- 5- 20

هدرتي طويله شوي
لكن آمل انكم تقراونه كله ولا تستملوا

مقدمة

اولاً : ما راح اذكر مصطلح ( الدكتور يكرر اسئلة) او ما يكرر.
لان المنهج واحد ، ولازم مثل ما سالني في بعض اساسيات المنهج راح يسالك.
المسألة ليست لعبة تكرار، ولكن المسالة انه لازم يسالك في محتوى سالني فيه وسال الي قبلي وسال كل الي درسوا هذي لمادة. في ابتدائي المدرسين يكرروا اسئلة لكن ماكان فيه احد يصور لنا اسئلة ، وفي متوسط ، وفي ثانوي ، وفي الجامعة الان. الفرق بس ان صار عندنا صحفيين تصور وتنقل لنا الاسئلة من عمق الحدث

.
ومستوى الشكوى من الصعوبه او غيرها فقط من طريقة صياغة السؤال احياناً تتغير ، او ان الاجزاء الرئيسية يكون سال في بعض اجزائها الفصل الماضي ويسال في اجزاء اخرى هذا الفصل ، ليس تغيير في الاسئلة لكن من اجل ان يغطي اجزاء مختلفة من المنهج في الاسئلة.
وثانياً: لا يوجد ثانياً ، انا اصلاً ما ادري ليش كتبت فوق اولاً

، هذي مقدمة. ننتقل الى المقررات. علماً ان كتابتي تعبر عن وجهة نظري وحدي ، ربما الاخرون لا يتفقون معي فيه.

حاضر العالم الإسلامي

المادة سهلة جداً، تلاقيكم تعرفوا اكثر من 75% من المعلومات الي فيها ولا جديد عليكم غير التفاصيل الدقيقه والتواريخ، لهذا المادة سهلة بطبيعتها، والدكتور محلل المنهج والاختبار في اساسيات المنهج كله. لكن بسبب ان يهم الدكتور معرفتك للاساسيات لهذا هي بسيطة. اما تكرار الاسئلة مثل ما ذكرت لكم فوق. ليست مسالة تكرار بقدر ما انه لازم يسالك بنفس الاساسيات

.

الأدب الإنجليزي : عصر النهضة

اثقل مواد هذا المستوى في نظري ، شاطحه شويه عن الباقي، مراجعة يوم يومين ما تكفي ابداً ، عن نفسي خذيت 15 يوم اراجعها واستوعبها قبل الاختبارات. يبي لها جد شويه، كما انها مقدمة الى مواد اخرى قادمة في مستويات قادمة. الحمدلله ان الدكتور فوزي سليسلي ما يركز فيها على اشياء دقيقه ، انما الافكار العامة هي المهمة للاختبار، وهناك 10% من الاختبار يعتمد على فهمك للمقرر والافكار الي فيه وليست حفظ. 90% حفظ

.

قواعد البيانات

الي اشتغل على برامج الاوفيس سابقاً وخاصة الاكسس بتكون عليه سهلة ، الي ما اشتغل عليها يبي له يتابع المحاضرات ويفهم الشرح كويس. ولأن في الحقيقة انا خذيت دورة في الاكسس سابقاً ، وايضاً طبيعة عملي اشتغل على لغة sql لهذا المادة بنسبة لي سهلة جداً. رغم ان المادة محشوة باشياء ومصطلحات ماليها معنى او اي فائدة. لكن الي ماله اي علاقة بهذا كله، يحفظ ويبي له يفهم كم حاجه بالنسبة لمخططات قواعد البيانات والفل مارك ان شاءالله. الدكتور عنده مخطط للاختبار ، عدد معين من التعاريف ، ومخطط ، و جداول ملتزم فيه في كل الاختبارات. وهذا شيء منطقي. ولان التعاريف المهمة هي نفسها وبيسالك فيها مثل ما سالنا فيها لهذا بتشوفوا ان كثير من الاسئلة تتكرر وهذا طبيعي (حتى لو قال الدكتور انه ما يكرر الاسئلة) وحتى لو فعلاً ما ينظر الى اسئلة الترم الماضي وبحط اسئلة جديده ، راح يجيب لك نفس الاسئلة

.

إنشاء وتعبير (2)

المادة كتابة ، لكن اسلوب الاختبارات في الاختيار المتعدد ما يتناسب مع هذي المادة ، لهذا الحل الوحيد هو بدل ان يطلب منك كتابة بحث انشاء ، ان يعطيك قطعة فيها فراغات تكملها بما يتناسب. في مستوى ثالث سوى معنا كذه ، واشكتوا الناس على الدكتور ورفعوا تظلمات لانه ما نوع في الاسئلة حسب تعبيرهم (كانوا يبون اسئلة قرامر و كلمات) وانما فقط جاب لهم قطع (وهذا لان هناك كمية من الطلاب ما فهمت طبيعة المادة) كما ان الي ذاكر المادة وبعدين صار واضح للطلاب من احد المحاضرات ان فيه تحديد للاختبار ، والي بس ذاكر هذي الجزئية هو الي بجيب ممتاز، سوى حالة استياء كبيره ، فصارت شكاوي عن عدم تنوع الاسئلة. في هذا الفصل الدكتور ما حدد شيء وقال انه نوع في الاسئلة ، ومع ذلك مثل ما سوى للي قبلنا الي اشتكوا عليه و مثل ما سوى معنا في فصل الاول اكتفى بثلاث قطع فيها فراغات و 10 اسئلة في الكلمات والمصطلحات. لكن الجميع طلع فرحان. استغربت اسلوب الاختبار ما تغير عن الفصل الماضي والناس شافت انه تاثر بالشكاوي ، والحقيقة ما تاثر قيد انمله. وانمى الناس خافت من انتقام الدكور وذاكرت مضبوط ، ومع ذلك ما جاء شيء ايضاً هههه بس قطع وفراغات

.
ركزوا على فهم حروف الجر واستخداماتها و ادوات التعريف و تصاريف الافعال من الان وليس وقت الاختبارات وبتدخل الاختبار حتى بدون ما تفتح شيء (والافضل انك تقرأ القطع كلها وتستوعبها).

استماع وتحدث

نفس مادة الاستماع في مستوى ثالث ، ونفس الطريقة ونفس توزيع الاسئلة ، لهذا هالمره ما تعبت نفسي ، بس قرأت القطع وفهمتها ، لان هي 10 اسئلة قطعه ، والباقي اختصارات و جمل ناقصة كلمة ، ولا اسهل من كذه بما انك تفهم على الدكتور ويش يقول. اذا استمتعتوا في اختبارها مستوى ثالث ، بتشوفوها اسهل في مستوى رابع لان لكم تجربه سابقه

.

النثر الإنجليزي

الدكتور غير طريقة اسئلته هذا الفصل ، ولكن في نظري نحو الاسهل ، وبما يتناسب مع طبيعة المادة، المادة اساسها انك تقرأ قطعه جديدة عليك وتستنبط معاني كلماتها بنفسك من نفس النص ، وانك تقدر تفهم وتستوعب القطعه و تجاوب على اي سؤال عليها. وهذا الي سواه في الاختبار ، مما جعل الكثير من الطلاب يستاء ، رغم اني اشوف ما افيه اسهل من ان تكون عندك قطعه وعليها اسئلة. ومن اجل ان تكون المادة سهلة جداً عليك ، طور حصيلة الكلمات عندك

.

القواعد والمنظومة النحوية

انا عقدتي النحو العربي والحين نفس النحو بالانجليزي ههههه ، لكن الحمدلله المادة تحتاج انك تفهمها ، اذا فهمت القاعده ، راح تقدر تجاوب على اي سؤال في التعريف و اي سوال تطبيقي على الجمل. تحتاج مذاكره واستيعاب بدري

.

المدخل الى اللغويات

اختبرتها في مستوى ثالث ، مادة حفظ حفظ حفظ حفظ ، احفظ التعاريف كلها وتجيب الفل مارك.

اهم توصياتي ، انك تزيد من محصول الكلمات عندك ، بتنتقل الى مستوى متقدم ، و مستوى الكلمات اعلى واكثر ، كل ما تزودت بالكلمات كل ما كان المستوى اسهل. استغل فترة الصيف هذي بانك تزيد محصول الكلمات الانجليزية الي تملكها ، الجامعة ما تحفظك كلمات الجامعة معتمده عليك انك تفهم وحافظ كل شيء جالس تدرسه. فاااحفظوا الكلمااااات باي طريقه تناسبكم، مشاهدة ، دورات ، قراءة قصص ، قراءة اونلاين اي شيء.

2015- 5- 20	#22
{تهاويل} :: مشرف سابقا ً:: للمستوى 5+6 E الملف الشخصي: رقم العضوية : 156995 تاريخ التسجيل: Sun Sep 2013 المشاركات: 6,861 الـجنــس : ذكــر عدد الـنقـاط : 589795 مؤشر المستوى: 706 بيانات الطالب: الكلية: الآداب الدراسة: انتساب التخصص: أدب إنجليزي المستوى: خريج جامعي	رد: نصيحـــه من مستوى رابعـ لمستوى ثالثـ هدرتي طويله شوي لكن آمل انكم تقراونه كله ولا تستملوا مقدمة اولاً : ما راح اذكر مصطلح ( الدكتور يكرر اسئلة) او ما يكرر. لان المنهج واحد ، ولازم مثل ما سالني في بعض اساسيات المنهج راح يسالك. المسألة ليست لعبة تكرار، ولكن المسالة انه لازم يسالك في محتوى سالني فيه وسال الي قبلي وسال كل الي درسوا هذي لمادة. في ابتدائي المدرسين يكرروا اسئلة لكن ماكان فيه احد يصور لنا اسئلة ، وفي متوسط ، وفي ثانوي ، وفي الجامعة الان. الفرق بس ان صار عندنا صحفيين تصور وتنقل لنا الاسئلة من عمق الحدث . ومستوى الشكوى من الصعوبه او غيرها فقط من طريقة صياغة السؤال احياناً تتغير ، او ان الاجزاء الرئيسية يكون سال في بعض اجزائها الفصل الماضي ويسال في اجزاء اخرى هذا الفصل ، ليس تغيير في الاسئلة لكن من اجل ان يغطي اجزاء مختلفة من المنهج في الاسئلة. وثانياً: لا يوجد ثانياً ، انا اصلاً ما ادري ليش كتبت فوق اولاً ، هذي مقدمة. ننتقل الى المقررات. علماً ان كتابتي تعبر عن وجهة نظري وحدي ، ربما الاخرون لا يتفقون معي فيه. حاضر العالم الإسلامي المادة سهلة جداً، تلاقيكم تعرفوا اكثر من 75% من المعلومات الي فيها ولا جديد عليكم غير التفاصيل الدقيقه والتواريخ، لهذا المادة سهلة بطبيعتها، والدكتور محلل المنهج والاختبار في اساسيات المنهج كله. لكن بسبب ان يهم الدكتور معرفتك للاساسيات لهذا هي بسيطة. اما تكرار الاسئلة مثل ما ذكرت لكم فوق. ليست مسالة تكرار بقدر ما انه لازم يسالك بنفس الاساسيات . الأدب الإنجليزي : عصر النهضة اثقل مواد هذا المستوى في نظري ، شاطحه شويه عن الباقي، مراجعة يوم يومين ما تكفي ابداً ، عن نفسي خذيت 15 يوم اراجعها واستوعبها قبل الاختبارات. يبي لها جد شويه، كما انها مقدمة الى مواد اخرى قادمة في مستويات قادمة. الحمدلله ان الدكتور فوزي سليسلي ما يركز فيها على اشياء دقيقه ، انما الافكار العامة هي المهمة للاختبار، وهناك 10% من الاختبار يعتمد على فهمك للمقرر والافكار الي فيه وليست حفظ. 90% حفظ . قواعد البيانات الي اشتغل على برامج الاوفيس سابقاً وخاصة الاكسس بتكون عليه سهلة ، الي ما اشتغل عليها يبي له يتابع المحاضرات ويفهم الشرح كويس. ولأن في الحقيقة انا خذيت دورة في الاكسس سابقاً ، وايضاً طبيعة عملي اشتغل على لغة sql لهذا المادة بنسبة لي سهلة جداً. رغم ان المادة محشوة باشياء ومصطلحات ماليها معنى او اي فائدة. لكن الي ماله اي علاقة بهذا كله، يحفظ ويبي له يفهم كم حاجه بالنسبة لمخططات قواعد البيانات والفل مارك ان شاءالله. الدكتور عنده مخطط للاختبار ، عدد معين من التعاريف ، ومخطط ، و جداول ملتزم فيه في كل الاختبارات. وهذا شيء منطقي. ولان التعاريف المهمة هي نفسها وبيسالك فيها مثل ما سالنا فيها لهذا بتشوفوا ان كثير من الاسئلة تتكرر وهذا طبيعي (حتى لو قال الدكتور انه ما يكرر الاسئلة) وحتى لو فعلاً ما ينظر الى اسئلة الترم الماضي وبحط اسئلة جديده ، راح يجيب لك نفس الاسئلة . إنشاء وتعبير (2) المادة كتابة ، لكن اسلوب الاختبارات في الاختيار المتعدد ما يتناسب مع هذي المادة ، لهذا الحل الوحيد هو بدل ان يطلب منك كتابة بحث انشاء ، ان يعطيك قطعة فيها فراغات تكملها بما يتناسب. في مستوى ثالث سوى معنا كذه ، واشكتوا الناس على الدكتور ورفعوا تظلمات لانه ما نوع في الاسئلة حسب تعبيرهم (كانوا يبون اسئلة قرامر و كلمات) وانما فقط جاب لهم قطع (وهذا لان هناك كمية من الطلاب ما فهمت طبيعة المادة) كما ان الي ذاكر المادة وبعدين صار واضح للطلاب من احد المحاضرات ان فيه تحديد للاختبار ، والي بس ذاكر هذي الجزئية هو الي بجيب ممتاز، سوى حالة استياء كبيره ، فصارت شكاوي عن عدم تنوع الاسئلة. في هذا الفصل الدكتور ما حدد شيء وقال انه نوع في الاسئلة ، ومع ذلك مثل ما سوى للي قبلنا الي اشتكوا عليه و مثل ما سوى معنا في فصل الاول اكتفى بثلاث قطع فيها فراغات و 10 اسئلة في الكلمات والمصطلحات. لكن الجميع طلع فرحان. استغربت اسلوب الاختبار ما تغير عن الفصل الماضي والناس شافت انه تاثر بالشكاوي ، والحقيقة ما تاثر قيد انمله. وانمى الناس خافت من انتقام الدكور وذاكرت مضبوط ، ومع ذلك ما جاء شيء ايضاً هههه بس قطع وفراغات . ركزوا على فهم حروف الجر واستخداماتها و ادوات التعريف و تصاريف الافعال من الان وليس وقت الاختبارات وبتدخل الاختبار حتى بدون ما تفتح شيء (والافضل انك تقرأ القطع كلها وتستوعبها). استماع وتحدث نفس مادة الاستماع في مستوى ثالث ، ونفس الطريقة ونفس توزيع الاسئلة ، لهذا هالمره ما تعبت نفسي ، بس قرأت القطع وفهمتها ، لان هي 10 اسئلة قطعه ، والباقي اختصارات و جمل ناقصة كلمة ، ولا اسهل من كذه بما انك تفهم على الدكتور ويش يقول. اذا استمتعتوا في اختبارها مستوى ثالث ، بتشوفوها اسهل في مستوى رابع لان لكم تجربه سابقه . النثر الإنجليزي الدكتور غير طريقة اسئلته هذا الفصل ، ولكن في نظري نحو الاسهل ، وبما يتناسب مع طبيعة المادة، المادة اساسها انك تقرأ قطعه جديدة عليك وتستنبط معاني كلماتها بنفسك من نفس النص ، وانك تقدر تفهم وتستوعب القطعه و تجاوب على اي سؤال عليها. وهذا الي سواه في الاختبار ، مما جعل الكثير من الطلاب يستاء ، رغم اني اشوف ما افيه اسهل من ان تكون عندك قطعه وعليها اسئلة. ومن اجل ان تكون المادة سهلة جداً عليك ، طور حصيلة الكلمات عندك . القواعد والمنظومة النحوية انا عقدتي النحو العربي والحين نفس النحو بالانجليزي ههههه ، لكن الحمدلله المادة تحتاج انك تفهمها ، اذا فهمت القاعده ، راح تقدر تجاوب على اي سؤال في التعريف و اي سوال تطبيقي على الجمل. تحتاج مذاكره واستيعاب بدري . المدخل الى اللغويات اختبرتها في مستوى ثالث ، مادة حفظ حفظ حفظ حفظ ، احفظ التعاريف كلها وتجيب الفل مارك. اهم توصياتي ، انك تزيد من محصول الكلمات عندك ، بتنتقل الى مستوى متقدم ، و مستوى الكلمات اعلى واكثر ، كل ما تزودت بالكلمات كل ما كان المستوى اسهل. استغل فترة الصيف هذي بانك تزيد محصول الكلمات الانجليزية الي تملكها ، الجامعة ما تحفظك كلمات الجامعة معتمده عليك انك تفهم وحافظ كل شيء جالس تدرسه. فاااحفظوا الكلمااااات باي طريقه تناسبكم، مشاهدة ، دورات ، قراءة قصص ، قراءة اونلاين اي شيء.
	التعديل الأخير تم بواسطة {تهاويل} ; 2015- 5- 20 الساعة 12:25 PM