أنا نفس قصتك بالضبط ، ولا أنتظرت منهم فزعة إن نجحت من الله سبحانه وإن رسبت فمن نفسي والشيطان

وترا فيه لبس عند أغلب الطلبة في جامعتنا ، يفتكرون أن التعليم عن بعد بهذه الجامعة يعامل من الجامعة كالتعليم المنتظم ، أنتم تراكم تتعاملون مع أنظمة آلية فقط . عمادة التعليم عن بعد الى قبل سنتين وهي 10 موظفين بعميدهم ، مايدرون أنك خريج والا في مستوى أول ، النظام ينزل لهم كشف المتخرجين بعد تجميع علاماتهم .

طلبة التعليم عن بعد في هذه الجامعة قبل سنة وتصف من الأن كان عددهم مئة ألف طالب وطالبة ، هل تعتقدون أن الفريدان أو دكتور المادة بيعرف عن الطالب أو الطالبة أي معلومة الا اذا دخل النظام قاصدا للبحث عن أسم معين . أنا نجحت في مادة وجلست أسبوع ناجح وبعدين رجعوا رسبوني بدون سبب ولا راجعتهم أخذتها ثاني مرة مع العلم أن عندي صورة النتيجة ومرة ثانية نجحت في مادة وحسبوها وبعدين أختفت كليا من سجلي الاكاديمي وحصلتها حاطينها في جدول المواد اللي مادرستها وهالمرة شبيت عليهم وبالاثباتات وغصب عنهم حسبوها لي .

لاحظوا أننا نشتكي من النظام وتعليقة وتعطله وأبوفريدان رده أبدا الأنظمة سليمة ، وهو والله مايدري وش السالفة عنده ميزة وحيدة أشهد له فيها الترزز في التلفزيونات والمناسبات الاكاديمية ووسائل التواصل الاجتماعي وهذا مانظلمه فيها

اللي حبيت ابلغكم أياه أنتم تتعاملون مع نظام آلي غبي في بعض الأحيان وذكي أحيانا أخرى لاتنتظرون الشفقة منهم .


هذا ودمتم ,