بتكلم عن المواد من الاسهل اولا:
1- التحليل الاحصائي/ لاحد يستغرب الدكتور احمد فرحان كان جدا متعاون والمحاضرة 14 الجديده كانت تحتوي على84 سؤال جاب منها 49 سؤال كلها بالارقام ماعدا سوال الاتحاد والتقاطع غير بس ارقام المجموعات وسؤال خارج عن المحاضرة وكان ايضا جدا سهل يتعلق عن المجموعات. فعلا دكتور عسل لن يتكرر ربي يوفقه وين ماكان.
2- اداره ماليه 2 الدكتور عبدالله الجغيمان ماقصر عطانا اسئله مراجعه من 20 سؤال وجات الاسئله بنفس الارقام كلها وبالنص وارفق كل قوانين المسائل حتى الاشياء البسيطه ارفق قوانينها كان فعلا متعاون ربي يسعده ويرزقه جنات النعيم.
3- اساليب كميه درستها بمستوى ثالث ومع الدكتور ملفي الرشيدي اتعب واقول متعاون وممتاز بهالماده ترتاح معاه هالدكتور ومامنها خوف.
4- اخذت من مستوى خامس اداره اعمال دوليه مع الدكتور محمد بن دليم وبكل امانه ايضا اسئلته جميله يعني متوسطه وجميله وواضحه مافيها لف ولا دوران بس لازم تذاكر من المنهج مو بس تعتمد على اسئله الاختبارات.
5- اساسيات البحث العلمي ماخرج عن المنهج بس من المواد اللي كلها تعدادات وخطوات واهداف ومميزات وعيوب لازم تعطي الماده حقها بالرغم من سهولتها لاكن يجب عدم الاستهتار فيها.
6- اداره التسويق انا اصنف اسئله الدكتور بالاسئله الذكيه لم يخرج عن المنهج ولاكن يعتمد على الفهم اكثر من الحفظ عموما انا ركزت في هذا المقرر على ملخص سوسو وبالنسبه لي فادني كثير لدرجه اني طلعت من الاختبار مبسوط يعني انا اشوف اذا الدكتور احمد بلالي ماتغير ذاكروا من ملخص سوسو وزيدوا عليها اسئلتنا في الامتحان وفالكم a+
7- اداره الموارد البشريه الدكتور الدوغان كالعاده يحب يتفلسف بااختباراته انا قريت الملخص للماده قراءه بتركيز واعتمدت ملف اسئله اخر 7 سنوات للدكتور والحمدلله تجيك اسئله كثيره منها وتعرف صيغه الدكتور في طرح الاسئله
عموما لاتخافون من شي ولا يهمكم الكلام اللي يخوف فيكم
قسما بالله ان اللي يذاكر حتى لو مذاكره متوسطه بيطلع من هالترم مبسوط
دوروا الكلام الايجابي واعملوا عليه
واخيرا احب اقول حنا مو احسن منكم بشي كلنا نملك عقول
ترم مرهق ولاكن ايضا ممتع
بالتوفيق للجميع