المشاركة الأصلية كتبت بواسطة الطالب المملوح

مادري ليش خريج الانتظام شايف نفسه على انه خريج انتظام علم ذره ههههههههههه

يابوي ترا انتظام - انتساب ( بكلريوس ) كلها مؤهل جامعي واحد بس اللهم ذا يداوم في الجامعة ويحضر محاضرات
والثاني يحضرها عن طريق الاجهزة الذكية لابتوب جوال الخ ..

يكفي ان صيغة شهادة التخرج وحده ماعدا المنتسب يكتب وقد تخرجا انتسابآ والمنتظم يكتبو وقد تخرجا بس

انا درست النظامين انتظام وانتساب وتخرجت من الانتظام دبلوم مشارك من جامعة حكومية وكلآ النظامين في صعوبه وفي سهوله

ومع اني اشوف الانتظام اسهل لان اغلبهم متفرغين للعلم ويختلطون بالدكاترة يعني اي شي يصعب عليه
من المواد يكلم الدكتور بالمحاضره او بمكتبه ويشرح له اما المنتسب نسبة كبيرة موظفين واللي متزوج وعنده عيال يعني مسئوليات كبيره مع ذلك يجتهد ويثابر للحصول على حلمه وفوق كذا في دكاترة بالانتساب عندنا يصعبون الاسئلة ويلفون ويدورون يعني تجي 4 اختيارات متشابهه او 3 والله اني اعاني كثير من بعض الاسئلة الاختيارية خاصة اذا الدكتور لف ودار وخلا الاجوبة متشابهه ومعقده اني اقول ياليت الاختبار مثل بعض اسئلة الانتظام المباشرة ع الاقل مايقدر يلف ويدور س سؤال ج جواب هههههه

اعرف واحد منتسب يقول انا الحمدلله وظيفتي زينه ومرتاح ماديا بس ابي الشهادة الجامعية
من اجل ارتقي بذاتي ومجتمعي وفوق كذا طلب العلم الواحد يآجر عليه ويقول ابي عيالي يقتدون

فيني عشان اذا كبرو يدخلون الجامعة ويتحمسون للعلم ..