اليوم بنزل احد الذكريات الجميلة لي
بيتنا على اربع شوراع لا تسألون كيف ووشلون ولكن الاكيد ماهو قصر هههههههه
اول يخطون برجولهم ويبنون وابن امه يخرب المساحه البنيانية ... وغير اربع شوارع مقابلنا مسجد العيد والجهة الثانية مقابلنا حوش غنم ... اقولكم موقع استراتيجي
احد الجهات بيوت جيرانا مشبوكه في بعض . الله العالم ماعندهم فن اخذ مقاسات الارض برجولهم هههههههه
الوالد الله يرحمة مسوي فيها شيخ على الحاره ومااحد يتجراء يبني بجداره ~> ميزه حلوه يكون لك اهميه من دون شي ههههههههههه
الشارع الي بينا وبين جيرانا هذا ملك لنا بعد ~> اصحاب املاك هههههه زين ماملكنا الحارة ~> بقولكم بعدين وش صار بالاملاك ولكن اخر شي ،
واذا الشارع ملكنا لازم يستشيرونا اذا بيسوون شي الجيران او عيالهم
عاد هنا احد عيال الجيران كسر البرتكول والنظام وفتح مشروع بالشارع الا وهو يجمد ايسكريم فيمتو وسنكويك ويحطه باكياس ويحطهن بترمس ويبسط بشااااارعنا . بشارع من شاااارعنا حنااااا .. المهم جيته وقلت ابي واحد ايسكريم قال هاتي ريال قلت لا قال والله مااعطيك تهاوشت معه وقلت بعلم ابوي . هو كان يتيم وابوي يحبه وهو يحب ابوي ويحترمه .. قال علميه اصلا ابوك يحبني . قلت انت ولده قال لا . قلت الشارع حقكم قال لا .. قلت بنشوف وهددته ورحت .. علمت ابوي وهاوشني ههههههه.. لما يقولون ان البنت من صغرها داهيه صادقين .. جيت عنده وقلت علمت ابوي وقال يايشيل بسطته من شارعنا ولا تتقاسمون ثمن البيعه ~> يعني بوقتنا هذه اسمه شركاء بالمشروع .. وهو مسييكين صدق وقاسمني المشروع وانا ماعندي الا الخرطي .. وقيمه المشروع .. اروح اصرفها عند تجار الشوارع الثانيه . المشكله ماهو اني اصرفها المشكله مشاريع الشوارع الثانيه ايسكريم بعد هههههههههه
هالاملاك راح منها بعض الامتار ماادري كم الوكاد حول ٣٠٠ متر .. يوم جت سيره الصكوك وهالخرابيط . لو ماها الصكوك ولا كان من اصحاب املاك على هالكورنيش ولا ابراج بمكة .. ودي اصير تاجره . التجارة بدمي ههههه ماتعرفون احد هالبسطات العب عليه واخذ دراهمه
انتظروا بعض الذكريات ولكن الله الله بالتقييمات واللايكات ..
بقلـــــQueenـــي