وعليكم السلام ،
أولا مدري هل فيه تسجيل الترم الجاي لتخصص انجليزي ولا لا ، بس أتوقع ان فيه ،
ما أتوقع فيه شروط صعبة ؟ مما عندي خلفية < يجي احد يرد عليك
اما موضوع هل هي معتمده < ايه معتمده بس يغيرونها لك باسم ( انتساب مطور ) علشان تمشي
بس بعلمك حاجتين عن التخصص هذا
مافيه لغة انجليزية ، فيه اداب انجليزي
ما يعلمونك اللغة يعني ، يعاملونك على أساس ان عندك لغة أساسا
طيب هل هي صعبة ؟ ( صعوبتها اذا ما عندك خلفية انجليزي ) ولكنها تطور اللغة ،
فيه مواد فيها ادب وتاريخ .. يكون ايش صار في بريطانيا في قرن 16 ، ايش صار في بريطانيا عصر 17 ، فيها شعر ، روايات ، تاريخ ، .. < هذا الادب بس فيه مواد مختلفة ( علم الصوتيات : اللي هي تعتمد على طريقة النطق وكيف يفرق الصوت ، وفيه مواد ( خاصه للترجمة ) يمكن 4 مواد أتوقع ،
وفيه مواد خاصة بـ مواد تركيب الجمل اللي تعتبر مواد قرامر < مو زي القرمر اللي نتعلمه في المدارس ، هذا اكثر تعمق تقسيمات الجملة ويتعمق فيها ، ،
بالعربي اكثر المواد تعليمها مو هدفه ( لاكتساب اللغة ) تعليمها ( كيف تكون شخص يشرح )
طيب ، مشكلة الجامعة هنا ان خطتها بمعدل 7 او 7.5 في الترم < يعني أحيانا ترم فيه 8 واحيانا ترم فيه 7 واحيانا ترم فيه 6 ، واحيانا ترم فيه 9
وانتي فقط تقدرين تنزلين 18 ساعة ، أي بمعدل 8 مواد او 7 ،
طبعا الجامعات في العالم مو مثل كذا ، جامعات الطبيعية ، يحطون الخطه بمعدل 6 او 5.5 مادة ،
زي إدارة الاعمال هنا ، بهذا المعدل ،
نقاط أخرى
ان عندها مشاركة 30 درجة ( مدري هذي تعتبر ميزة ولا لا )
أيضا مثل أي جامعة في العالم ( سوا سعودية او أمريكية .. بعض قولي فوق 75 % من الدكاتره يعيدون الأسئلة مو كلها يغير 20 سؤال ممكن وبعضهم يغير 5 أسئلة بس < وركزي قلت هذا في معظم الجامعات في العالم سوا انتظام ولا تعليم عن بعد)
الرسوم فيها كل ساعه 165 ريال ،
المواد تقريبا تكون بمعدل 40 الى 60 صفحة ( أتكلم عن تخصص انجلش ) < هذا يعتبر مهم لاني انا اعامل المادة على حسب كمية الصفحات ما علي من وقت الشرح
طريقة الجامعة
عندك 14 محاضره مسجلة ، الوقت يكون ساعه او اقل من ساعه بعضم نصف ساعة
14 مناقشة < مجرد سؤال ، تجاوبين عليه < موجوده كل الاجوبه بالمنتدى
3 واجبات < موجوده الأجوبة بالمنتدى
4الى 3 محاضرات مباشرة ، تقدرين تحضرينها اذا عندك سؤال او تحملينها بعد ما تصير مسجله
^ هذي اذا حليتها وحملتيها يعطونك 30 درجة
الاختبار يكون عن 70 درجة < الاختبارات بالغالب خيارات ، عددها 50 سؤال
^ انا عطيتك الهذره هذي ، علشان اذا تبين تقارنين أي تخصص ثاني في أي جامعه تقدرين تشوفين
للعلم انا رحت شفت خطة الملك عبدالعزيز لاني نويت احول لها ، بس هونت
أتوقع خطتهم تخصص لغة انجليزية ، ( بمعدل 6 مواد ) + عندهم مسمى لغة انجليزية بس لو تشوفين المواد بيطلع لك ( فيه ادب ، زي اللي ندرسها ) < بس مو كل المواد زيها ، ما تعمقت في الموضوع
طبعا معدل المواد مهم في وقت الاختبارات ما يجي عليك ضغط ،
وفيه نقطة مهمة جامعة الملك فيصل عندها ( أسبوعين ) ويختبرونك في يوم الاجازة ( السبت )
يعني مو 10 أيام ، يعني 12 يوم < ذكرت هذي الملاحظة لأنه قد يكون بعض الجامعات ما يختبرون يوم السبت ، ويكون عندك ضغط في وقت الاختبارات
رفعت لك الجدول اللي ببدا من المستوى الثاني علشان تشوفين الخطه وتشوفين اسامي المواد
علما ان المستوى الثاني اغلبه مواد عربية
بالتوفيق