تذكرون الويك اند القديم الخميس والجمعة ،،، يوه اكيد تذكرونه ولكن انا اقصد الخميس والجمعة ايام الابتدائي حقتي
كاان وجهي صبه او مااستحي او مااصدق احد يعطيني وجهة
المهم كان يوم الخمييييييس احلى يوم بحياتي ماهو علشان اجازه لا ابدا كان هاليوم اذا طلعت من المدرسه اطلع مع بنات جيرانا وهم من جماعتنا بعد ولكن بالحارة الثانية والمدرسه عندهم بحارتهم
المهم ادخل معهن بيتهم واقلط عند طاسة (( الحناء)) امهن تحنيهن وتناديني معهن تحنيني .. لا والله ماتناديني بس نادتني مرتن وحده وعاد انا صمغ باتكس فيهم تقول اضافوني للعائلة لدرجة كنت امون عليهم واقول عادي اتروش عندكم هههههههههههه ..امي تهاوشني وتضربني بعد بس ماش علم الي براسي اسويه .. من يومي احب اندلق على بيوت الناس لا لا اقصد احب العناية بشعري والحناء هههههههههه ومن خوفي على مريول المدرسه يتوصخ اخذ معي غيييار بالشنطة وافصخ مريولي عندهم والبس لي قمييص وللأمانه كانت الأم تربط لي محرمه من عندهم واغسلها وارجعها لهم السبت ... المحرمه احطها مع الكتب والدفاتر .. احفظ الامانة وارجعها بنتن ذربة وسنعه ومتربيه هههههههه
ايوه كنتوا مثلي تندلقون على خلق الله ولا عندكم لازقات مثلي يندلقون عليكم ههههههههههه
بقلـــQueenـــي