2015- 5- 25
|
 |
متميزة بملتقى الفنون الأدبية
|
|
|
|
اذا مر الهوى وجابه أطيّر بالخفوق اسراب
[flash=http://store1.up-00.com/2015-05/1432563020831.swf]width=0 height=0[/flash]
يقولون (الذي كاره يلاقي للفراق اسباب) . .
وانا والله مافـ إيدي عذر من شان يجفيني !
تصنّع له حروف من الالم مليون ناب وناب
لجل يكسر مجاديف العذر في (فعلة يديني ) !
يقول الآه في صدري بنت لك في خفوقي باب
لجل ترحل عن ضلوعي عسى بعدك يداويني
زرع في حبنا ورده ربت بالشوك يومه غاب . .
وكل ماجيت ابقطفهآ . . تأذيني . . تـأذيني
عقب ماعمّر احلامي اشوف الحلم بإيده ذاب
رجيت الله ولا حلمن بعد . . فرقاه . ينهيني !
ورحلت وفي يدي قلبن على كثر الوله منصاب
وتركت لخطوتي كلي . . لأي درب ن توديني !
اذا مر الهوى وجابه أطيّر بالخفوق اسراب
تناديله على [ وصلي ] وعلى وصله تمنيني !
تنادينا الاماكن وينكم ؟ هو ليه يا أغراب ؟
وتخنقني إجابات (ن) عقيمه تدمع بعييني !
وأرد آقول:أهو كاره ولاقي للفراق أسباب
وأنا والله مافـ إيدي عذر من شان يجفيني
|