يعطيك العافيه اخوي مبارك وياليت يتثبت القسم عشان يستفيدون مستوى ثالث
اخذت 4 مواد من هالترم بتكلم عنهم ..
مواد مستوى رابع يبيله تركيز واول بـ اول اغلبه يعتمد حفظ وفهم
أبدا بمادة الدوغان موارد الله يسامحه لعب فينا لعب وجاب اسئله خارج المنهج
مسكت كتاب وملخص ابو راكان وهتان وفوق هذا كله مانفع يعني محد يعرف ويش يبي الدكتور
من السؤال اسئله تعجيزيه بعكس الترم اللي فات كانت اسئلته اهون بكثير مننا
كنت احل بالقاعه واتحسب عليه قمة القهر لما الشخص يذاكر ويسوي كل شئ وتجي اسئله
تعجيزيه من الدكتور
له 7 نماذج ومع نموذجنا بيصير 8 وماشاء الله كل سنه اسئله جديده من وين يجيب هالصبر
ما اقول غير قدر الله وماشاء فعل ..
أساليب ماده حلوة والدكتور ملفي شرحه راااااااائع ومتمكن من المادة بعكس الاحصاء
بس للاسف جاب سؤالين بلا اجوبه وي عالم يحسبه او لا وفيه بالخيارات جاب كلمه بعض غيرت
لنا خيار مدري ليه كارهه دفعتنا كل سنه ناخذ منه مادة ونفس المشكلة الاختبار كان حلو
لولا هالاشياء اللي خربت جماله
إساسيات مادة قليله ولاتغركم الصفحات ترى مليانه معلومات ساعه وحده بس طلعت عيوني
بس اسئله الاختبار كانت جميله رااائعه بصراحه على القد التعب ولله الحمد وماخرج من المحتوى
كله من المحتوى والدكتور دقيق جدا ب اسئلته اتوقع يبي يعرف اللي مذاكر واللي ماذاكر
اجمل مافي اسئلته مافيها لا لف ولا دوران يعني الاجابه والسؤال كوبي بيست مثل المحتوى
وانتم عليكم تعرفون الخيار الصحيح وبس وساعدنا وحذف لنا محاضره ونص من المحاضره 14
تفاجأنا انه تعاون معانا بعكس الترم اللي راح ..
إدارة ماليه اجمل اختبار حبيت الاسئله نزل لنا اسلئه مراجعه وحتى الارقام كررها
وكان فيه ملف ل ام جهاد جزاها ربي الجنه ساعدنا كثير صيرت اشك انه الدكتور ماسكه وجايب منه
نفس هالملف الدكتور جابه وساعدنا وارفق لنا القوانين تحت كل مثال يعني حتى للي ينسي الحل
لما يشوف القانون راح يتذكر ماده ممتعه بس يبيلها مذاكرة اول ب اول تراها عكس ماليه 1
ماليه 2 يبيلها تركيز اول ب اول قوانينها كثيره والله يسعد الاستاذ ماقصر ب ارفاق القوانين
اخذت من مستوى سادس قانون تجاري ما أقوال إلا ياليت كل الدكاتره عمر السعيد
اسئله شرح تعاون معنا ل اخر لحظه بتويتر كان متفرغ لرده على اسئلتنا دكتور مستحيل يمر علي
مثله الله يسعده كان جدا متعاون واسئلته من اروع مايكون الله يجزاه خير ويوفقه ..
تصويتي لـ اساليب كميه
وفالكم يارب الفل مارك
