2015- 5- 27
|
#29
|
|
متميز بالمستوي الخامس
|
رد: تقييمي لموقع انجلش تاون عن تجربه
اقتباس:
المشاركة الأصلية كتبت بواسطة زينا محمد
انصدمت كثير من كلامك لاني كنت متحمسة اسجل فيه
ولكن أشكرك على ملاحظاتك وتقييمك للموقع عشان غيرك يستفيد
ناس من أهلي قالو كلام مشابه لكلامك , التعليم الذاتي ممكن يكون أفضل
لوسمحت من خلال تجربتك وخبرتك شنو أفضل الوسائل الذاتية لإتقان اللغة؟
والف شكر
|
اولا الحمدلله اللي كلامي جا مطابق لناس اخرين تعرفيهم
ثانيا انا بعطيك انا وش اللي احسه فادني فاللغه وما اعرف اذا هالشي
بيكون مفيد لغيري او لا لاني مو متخصص ولكن ...
نصيحتي الاولى هي جمع اكبر قدر ممكن من الكلمات وفهم معناها واستخدامها
وان امكن معرفة السبيلنق حقها وضمائرها
هالنصيحه اخذتها من شخص متخصص وطبقتها من ثالث متوسط لليوم وانا مدمن
يعني اذا مرت علي كلمه ما اعرفها اروح ادور وراها لين اعرف معناها واعرف كتابتها
واعرف استخداماتها في سياق الكلام بدون مبالغه
القرامر للان ما اعتقد اني بيوم اتقنتها من الدروس
واذا كتبت جمله صحيحه قواعدها او اجبت في اختبار سؤال قرمر
مو لاني اعرف القواعد واقدر اشرحها لا
بس لاني اعرف القواعد من سياق الجمل يعني ال had وال have وال has
وغيرها كثير تعلمتها بالطريقه الاصعب اللي هي من سياق الجمل وليس من التعلم المباشر
للقاعده واللي احسه ممل بالنسبه لي مع انه الافضل ويمكن يكون اسهل لغيري
واخر شي المسلسلات والافلام الاجنبيه خصوصا مسلسل friends لانه من ضمن كتاب السيناريو
كان فيه مصححين لغه بغرض تسهيل لغة الحوار حتى يقدر اكبر قدر ممكن من الناس انه يفهمه
عشان كذا صار اعلى مسلسل مشاهده فالعالم لسهولت المصطلحات المستخدمه فيه
يمكن تضحكون علي بس لما يكون عندي اختبار لغه مهم ويكون فيه جزء اسئله سماعي
اشوف كم حلقه كمذاكره وصارلي ثلاث سنوات فالغالب مانام ليله بدون ما اشوف حلقتين او ثلاث عالاقل
مو بس عشان اللغه بس انا مدمن فريندز :)
اتمنى اكون افدتك
احترامي
|
|
|
|
|
|