ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام الترم الصيفي وردهم لي عن عدد الساعات + الوظائف والبعثه

همسات روحي · 2015- 5- 27

اقتباس:

المشاركة الأصلية كتبت بواسطة shroog ahmed

[CENTER]

صورة من سؤالي عن الترم الصيفي وردهم بانه ( 9 ) ساعات والتغيير وارد والله اعلم

صورة من اخر ترم باقي لي (12) ساعه

السلام عليكم ورحمة الله وبركاته جميعاً ..
كيفكـــم مع الاجازه , طبعا الي مثلي منكرف يصف جنبي ويفرح بالويكند هههههه واصلا عادي

ياجماعة الخير أنا وحده من الي يبون يتخرجون بالترم الصيفي ( الي يقول ماتقدرين تتخرجين بالترم الصيفي او لين تكملين 4 سنوات تماما ) لما اطلعت على ايقونة نسيتها والله ^_^ بس لمن يهمه الامر تشهد الجامعه ... الخ اني كملت مايعادل اربع سنوات دراسيه يعني الي بياخذ ترم صيفي عادي بيقدر يتخرج فيه هذا جواب للي عارضوو الموضوع .

نرجع للب موضوعنا .. انا ودي اتخرج بالترم الصيفي زي ما انتو عارفين صرنا بالمفاضله بالوظائف التعليميه و الادارية ولله الحمد واكيد كل شخص يتمنى وظيفه حكوميه سواء عاطل او موظف قطاع خاص <-- مثلي ووده يحسن وظيفته .. والي وده بعد بالالتحاق بالابتعاث الشروط مره حلوه الي قريت عنها ويتوضح لنا قريب ..

مثل مانتو شايفين بالصور المرفقه فوق لما سالتهم عن عدد الساعات قالو 9 طيب والي مثلي عليه مستوى ثامن اخر مستوى وينقصها 3 ساعات فقط بالله مو قهر ياناس كل شي يفتح مع بداية السنه الوظائف والابتعاث وكل شي نبي نلحق باعمارنا ونسترزق ..

مين مثلي يأييد نكلم الفريدان يزيدون بعدد الساعات من يبي ياخذها كلها خذاها والي يبي 3 او 4 مواد كلن بكيفه ..

كلمته اكثر من مره ع التويتر ولا به رد ..
الي مأييدني ووده بهالشي اتمنى نكون يد وحده ونراسل الفريدان او نكلمه ..

تحيااتي

صحيح أنا رايحه مستوى 7 .... إلا أنن أأيد وجود الصيفي وزيادة الساعات بعد ..

أبي أخفف مواد وأرفع المعدل .. وبعد فيه مواد يبي لها شغل وفراغ ما تناسبني وقت المدارس .. يصير ضغط علي

ف إذا ما عليكم أمر إلي يبي الصيفي يحاول يكلم الفريدان برغبتنا الشديدة بالصيفي .. وإلي ما يبي لا يبخل علينا بالمشاركة .. وجزاه الله خير