المشاركة الأصلية كتبت بواسطة أبو جَنىَ

هذا من الناس اللي طريقته تجيب الهمّ في المنتدى مع إحترامي لشخصه ..
الفريدان بنفسه على حسابه الخاص في تويتر يقول فيه صيفي .. وأنت قاعد
تقول فيه "ظغط" على العمادة ! , إذا هو العميد من اللي يضغط على من ؟

ثانيًا الترم الصيفي العام أُلغي قبل ينتهي الترم الثاني بناءًا على تحديث
النظام وصيانة الموقع وتم إشعار الطلبة بذلك قبل فترة , والفترة هذي لم
نُشعر إلا بخبر واحد عن طريق عميد التعليم عن بعد د. عبدالله الفريدان /

( فيه ترم صيفي في المدن الرئيسية )

وتجي أنت الله يجزاك خير وتقعد تصرف من كيسك معلومات وأفلام هندية و "ظغط"
على قولتك .. ان شاء الله تشوف اللي يعكس كلامك الأيام الجاية , وإذا الفريدان
عنده شيء ومافيه ترم صيفي , بسيطة يطلع ويعتذر من الناس اللي وعدهم
ليش يتخبّى ويأجل الموضوع كأنه ذابح واحد , مو مكنسّل ترم .. أتمنى إنك
تتحرّى دقة المعلومة وتتقي الله في مشاعر الناس , وإذا ماطلع شيء رسمي
من الجامعة حتى لو كان عندك معلومات شخصية من أحد معارفك , ياليت
تحتفظ فيها لنفسك , ولا تقعد تتنبأ وتتوقع وأنت مو مسؤول في الجامعة