ملتقى طلاب وطالبات جامعة الملك فيصل,جامعة الدمام - عرض مشاركة واحدة - أخبار الهريفي: ألف مبروك يا زعيم.. الهلال آخر من يسقط وأول من يقف

تخَيَل · 2015- 5- 28

اقتباس:

المشاركة الأصلية كتبت بواسطة المندوب السامي

نتمنى ان يبادر اعلامي هلالي ولا يبخس النصر حقه

هاهو احد المتعصبين يتيح الفرصه ويبار ليعم السلام ويدق مسمار في نعش التعصب

ولكن هل من ردة فعل ايجابيه

يعطيك العافيه

يا صديقي ومنذ متابعتي للكوره وقدني كنت لاعب سابق وكنت قريب جدا بكل ما يخص الرياضه والرياضيين من اعلام وغيرهم ماني متذكر اعلامي هلالي قد مدح النصر ؟؟؟؟ بصدق كنت احاول ان اتذكر قبل ما اكتب تعقيبي عليك ما اذكر وأتمنى احد يذكرني بجد أكون شاكر وأكون غير ظالم ,, هذا جانب

جانب اخر هو حين قلت ه هو أحد " المتعصب " بقولك شغله من خروج الهريفي على الشاشات وانا اتابعه حديث حديث كلمه كلمه على وزن زنقه زنقه ^_^ عرفت الرجل جيدا بختصار اقول عن الهريفي ان كان هناك احد محايد كان " الهريفي " ما حدث مع فهد هو الاتي ,

في بدايه ظهوره كان ذلك الرجل المحايد الذي يقول ماهو على لسانه وفي قلبه ينتقد من يستحق الانتقاد ويمدح من يستحق المدح في المدح اشاده وتغني بكثيرين حتى الهلاليين كيوسف والدعيع والنعيمه وكثيرين والنصراويين وكل الانديه كان يعطي كل ذي حق حقه ولم يسلم من انتقاده ايضا احد حتى النصر وفيصل بن تركي نفسه واسألوا السهلاوي !!

الذي حدث ابتدأ من جمهور واعلام الهلال تحديدا حين كان ينتقد بعض الاعبين الهلاليين وهو كناقد ومطلوب منه كانوا ما يشوفونه على انه ناقد وهذه شغلته ,, كانو يشوفونه على انه لاعب "نصراوي " ولا ومين بعد من عمالقه الاعبين النصراويين هنا بدأت الحملات والحروب في كل ما يقوله عن اي لاعب هلالي انو ما نتقبل منك انت " نصراوي " مانت محايد ولا انت ناقد تعرف " كلا يرى الناس بعين طبعه " كان يتداول حديثه ويستقطع من القنوات وينتشر في كل برامج التواصل الاجتماعي كان يبهر حديثه حتى يخيل لاي احد انه هذا مستقصد ومتعصب تصيدوا زلات لسانه اخطأه في الحديث والكلمات وهذه الاخطاء اللي كل احد تصير معه لكن بما انه الهريفي لا خذها وبهرها واتريق عليها ومسخرها ,, الي ان جت سالفته هو وياسر قال رأيه بكل صراحه عن ياسر لانه فعلا كان من هو افضل من ياسر بتلك الفتره وكانت في توليفه جميله بالمنتخب المهم قال رأيه ؟؟ وعشانه ياسر القائد الهلالي , ثاني يوم ليش عاد تقول كذا ضخم وكبر بمباركه ماجد التويجري الغائب الذي يبحث عن اي شي يظهره وخذ هجوم من كل صوب من اطفال التويتر وكبار الاعلاميين من ياسر نفسه ,, مُسخر فيه ,, صوروا حتى اهله تحت اشاعه ان الهريفي شوفوه مع صديقته ؟؟؟

فيه رد فعل لازم يتم ومن هنا بدأ الهريفي نهج اخر لاحظته في لقاءاته وتعليقاته وانتقداته الاخيره ,, اتخذ اسلوب " طيب انا اوريكم " مال للنصر طبعا فريقه وجمهوره وجداره اللي يسند عليه وتعال خذ انواع الاستهبال والاستعباط على الهلال وكان في وقتها لما سؤل عن الهلال في اسيا وقال اتمنى ينهزم قاموا عليه شالوا وحطوا " وكان جوابه كيف تبيني اتمنى الفوز لفريق جالس هو يشكك في عالميه فريقي ؟؟؟" وكان استفاهمه في محله بوجه نظري وأخرس الكثيرين,, والان اعتقد يمكن رجع لذلك المحايد مثل ماهو واضح من هذا الخبر ,, وياليته ما رجع !!؟؟؟؟

لاني اعتقد ان هناك اشخاص خاصه في الرياضه لابد من ان تلعب معه بنفس الاسلوب وبنفس الكوره اللي جالس هو يلعبها ولا بتروح في خبر كان !! واسألوا الروقي والتويجري وغيرهم !! ننبذ التعصب نعم نكره التعصب نعم نريد ان نكون اكثر هدوء واكثر عقلانيه نعم لكن حين تكون تحارب وتقمع ؟؟؟ والهريفي اعتقد انه كان نموذج للمحايد الذي فشل ان يكون محايدا في شارعنا الرياضي السقيم ولا ملامه الا على العقول !!