المشاركة الأصلية كتبت بواسطة f-fatimah

الغاءه عشان اخوانه واهلنا بالجنوب صار سخافة واستهتار وعذر اقبح من اللي قبله !! عجيبه والله يادنيا


السالفة مو سالفة مثالية لكن بالله فكر بخلق الله اللي مابين قصف ونيران ومرابطين ويبون يمشون لهم امورهم وويسرونها لهم قد مايقدرون عشان مايضيع مستقبلهم واذا كلامي شايفه مثاليه زايدة ابيك بس تتفكر بالنص اللي تحت


( هكذا كان حال المؤمنين الصادقين تجاه أمتهم وإخوانهم؛ مودَّة، ونصرة، وشفقة، ونجدة. ولا غرو! فالإيمان رحم يجمع أهله، وآصرة تشد من أدلى إليها بسبب. ولم تزل قلوب المؤمنين تتدفق على مصاب إخوانهم المصابين بنازلة جوع، أو قتل، أو ظلم، أو وباء، كما وصفهم إمامهم ومربيهم : "مَثَلُ الْمُؤْمِنِينَ فِي تَوَادِّهِمْ، وَتَرَاحُمِهِمْ، وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى"[3]. )



مو بس انت تفكر به برضو كل من اعترض ودعا على الفريدان وغيره مانقول هم كاملين ولا حنا برضو كاملين الكمال لله وحده

الله اعلم وين الصالح فيه لنا لو كان لنا بالصيفي خير ماتاجل وكان حصل لكن كلو تقدير من رب العالمين مو من عباده اذا ربي كاتب بيحصل مو كاتب مابيحصل بغض النظر عن اي اسباب اختلقوها عباده مثل ماتدعون


ماينفع كل قرار يصدر كل فعل تتم الدعاوي وعارفين انو الدعوة ممكن ترتد على صاحبها !! لاتستهينون بالدعاء وصلت معك ابد قل حسبي الله وكفى واذا هم ظلموك فعلا بياخذ حقك رب العالمين سواء بالدنيا او بالاخره



انتم مسلمين خلو قلوبكم على اخوانكم المسلمين مو بس شعارات وكلام حنا مع الحزم ومعها وبالواقع شي ثاني


ولو اني عارفه انو بعد كلامي هذا كله لابد تجيني شرارة لكن مو مهم المهم اني اديت اللي علي

......