2015- 6- 1
|
 |
أكـاديـمـي مـشـارك
|
|
|
|
رحت الجامعه اليوم تعالوا ابشركم
السلام عليكم ورحمة الله وبركاتة 
اخبار نفسيتكم عساها احسن ان شاء الله >>عجلي علينا 
طبعا انا وعدتكم اني اروح الجامعه امس والحمدلله ربي كتب ورحت طبعا ضيعنا الجامعه ورحنا قسم الادب قالوا لا انتي مكانك التعليم عن بعد ورحنا المبنى تعليم عن بعد قالوا رجال لازم تروحين حق النساء الزبده لفينا لف وابشركم وصلنا 
اول مادخلت الجامعه رحت قسم الشكوى والاقتراحات قالت انتي عن بعد التعليم الاكتروني روحي قدام بعدين يمين ورحت ووصلت لها
تكلمت مع وحده قمه بالادب والاخلاق وكلامها يريح الواحد اللهم بارك
الكلام الي صار بيننا 
انا :السلام عليكم
هي :وعليكم السلام
انا :الله يعافيك انا طالبة خريجة قسم علم اجتماع والخدمة الاجتماعية انحرمت من فرحت تخرجي
قبل ما اكمل قالت ادري مشروع التخرج صح ترى مو انتي اول وحده تجي تشتكي كثير جو والله الغلط في السستم مو منكم انتم
انا :ايه والله منه مأخذ 2 من 100 ليه وقسم بالله مجهود شخصي وحطيته في اكثر من برنامج اقتباس وبس طلع مقتبسه 5%علما ان الدكتور سامح بالاقتباس اكثر من كذا
انا :طلعت النتائج بالبرنامج الي نزلوته والفريدان قال انه بعض من المشاريع ما ارصدت درجاتهم
وقلنا معليه يمكن لمى يفتح النظام نأخذ الدرجه الي نستحقها بس فتح ونفس الشي
هي :ماعليك ان شاء الله بتأخذون درجات عاليه بأذن الله اطمنك وطمني الي مثلك حملوا الماده
انا : و برضوا التدريب الميداني حنا 4 طالبات رحنا مع بعض ونفس الوقت والتاريخ والختم ونفس الحاله وكل وحده فينا درجه غير ظلم هذا بعد
هي :ايه والله ظلم بس ماعليك حبيبتي انتي رفعتي تظلم ؟
انا :ايه رفعت
وعطتني ورقه اكتب فيها التظلم عن التدريب والمشروع واحط اسمي ورقمي الجامعي ورقم جوالي
هي : لا تخافين ان شاء الله بتتخرجين وبتكمل فرحتك
انا : طيب الوثيقه كيف ؟
هي :الوثيقه بأذن الله برمضان نرسل رسائل على حسب الدفعات انتي كم رقمك
انا :212
هي :يعني انتي دفعتك 2012حنا بنرسل كل واحد ودفعته
انا :طيب النتائج متى تطلع حقت التظلم ؟؟
هي :اسبوعين من الان
انا :طيب ليه انتم لازم كل سمستر يرسبون الطلاب ثم يجون عندكم وينجحون ليه كل سمستر حرام اذا انا قدرت اجي غيري لا
هي :والله حاسه فيك بس قسم بالله نحاول على قد مانقدر نرضيكم بس النظام قلت ما نبيكم تحدثون وتغيرون شكل النظام خلوه بس نبيكم تطلعون نتائجنا بدون التعب هذا كله
هي :ابشري من عيوني كلامك راح اوصله
وقلت لها والله انا وحده من يمكن 200 طالب وطالبه او اكثر بعد
هي :مقدره تعبك والله ومالكم الا الي يرضيكم ان شاء الله
وشكرتها ودعيت لها وطلعت
الي يبي يروح الشباب التعليم الاكتروني عن بعد مبنى 35
البنات قريب منه جنب مبنى السنه التحضيريه
والله اني ادري اني قرقرت كثير بس حب لأخيك ماتحب لنفسك وكتبت بالتفصيل عشان ترتاحون اكثر مثل ما انا ارتحت وصلت العصر ونمت وتوني صاحيه
يعني بأذن الله حقنا بأخذه وبننجح  
|