ايام السفر وايام ( السوبر ) او ( الجمس ) او ( الصالون ) كلها مسميات للنوع السيارة عاد انتم وعرفكم
المهم مع الهواء الطلق لازم يانشغل خلف هذال او تجي اصوات ذاتيه من السيارة يعني نشبههم باستار اكاديمي ههههههههه
اذا جدي معنا ابوي ياوييله بالويل يقاطعه ولا يشيل معه ... يحب امي ترد وراه يقول ان صوتها زين ~~> امي الكورال الي ترد وراء الفنانين ياجدي ايابوي الله يرحمهم هههههههههه
للأمانه كان خلف بن هذال ممتع اكثر من اصوات المتسابقين اقصد الفنانين اقصد جدي وابوي
المهم ذاك اليوم كان خوينا بالسفر السيد جدي رحمة الله عليه
وكانت امي وزوجة ابوي بنفس السيارة وعاد زوجة ابوي ياحبها تتميلح قدام جدي ~> تحب تخرب العلاقات بين جدي وامي بس لا يحالفها الحظ ماتجي ظفر الوالدة الله يخليها لنا ...
نرجع لموضوعنا وجدي يشيل وزوجة ابوي ترد ورااااه وتعدينا ( المويه وحلبان ) وهي ماتعبت .. وجدي سكت قالت ياعمي كمل خلنا ننبسط ... قال وانا عمك من قال اننا مبسوطين . والله اني مجامل لك من اليوم ماودي اكسر بخاطرك بس صوتك اوجعني براسي ....~> فهمتو فهمتو يقول مايبي يكسر بخاطرها ~> ياجدي انت كسرتها كلها ههههههههههه تستاهل مقدي فيها ( جدي )
قالت ياحبك للمزح ياعمي ..... قام جدي يكلم امي ويقول وراء ماتردين علي يا ام محمد .. قالت مخليتكم براحتكم ..
قال راحتي وانا ابوك لا سمعت صوتك وراي ....~> يارباه هجمة مرتده في جبهة زوجة ابوي .. عاد تعرفون التشجيع لامي والتصفيق لان الاغلب بنات ويوقفن مع امهن ضدة ضرتها ... خلي التميلح ينفعها ...
قال جدي يالله ياام محمد نشيل قالت قدام .. المشكلة جدي يحب يتفنن ويحب امي تتفنن وراه وحنا مانحب فنهم ونحب خلف هذال هههههههههه
بقلمـــQueenـــي