انا تخصصي علم اجتماع المستوى الخامس حاليا
راح اعطيك نبذه عن التخصص اول شيء التخصص جميييل جدا
ومستقبله حلو في البدايه كان خاطري في الاعلام وحطيته اول رغبه
بس للاسف قبلوني على ثاني رغبه اللي هي علم اجتماع وخدمه اجتماعيه
في البدايه كنت رافضه اني اتقبل هذا القسم بس مع الوقت حبيته كثير
راح ابدء بالسلبيات ثم الايجابيات :
السلبيات:
١-مواده طوووويله وبعضها ممتعه وبعضها مملله لدرجه تكرهين الماده
٢-فيها منها الصعب مره وفيه منها السهل مره الي يرفع معدلك بالراحه
٣-كررررررررررف كررررررف مو طبيعي خاصه اذا نزلتي التدريب الميداني تحسين كل طاقتك مخلصه
٤-كل شيء جماعي لازم تسوين قروب ع كل واجب وانا اعتبره من السلبيات لاني انا بطبعي م احب اتعامل مع قروبات كثير لان تعرفين
مو كل البنات يتعاونون معك الي تتعذر واللي مالها خلق واللي تقط الشغل هذا ضايقني لان بعض الدكاتره تجبرك انك تسوين قروب
٥-بعض الدكاتره شديدين بس اذا مشيت سيدا ومالك دخل في احد بتعجبينهم وماراح تحسين انهم عصبيات او شريرات مثل مايقولون ههههههههههه
الايجابيات :
١-التدريب الميداني جميييل يعطيك معلومات ويطور من نفسك ويخليك انسانه غير يغير فكرك عن اشياء كثيره
٢-في مواد جد تستفيدين منها في حياتك الطبيعيه من الواقع زي عندك ماده اسمها الاسره والطفوله رحت الاختبار وانا قايرته لان اغلبه من حياتنا الطبيعيه
٣-نصحيه اخذي مواد كل مستوى نفسه لا تأجلين لان المواد كثير وبتراكم عليك المواد وبتقعدين سنوات اضافيه
٤-في بعض الدكاتره صراحه عسسسسسل ودك تاخذينهم اكثر مر مره تعامل اسلوب اخلاق بدون ذكر اسماء لان يمكن من وجهه نظري اشوفهم كذا والبنات نظرتهم مختلفه بس عشان تجنب النقاشات الحاده
٥-اذا كنتي مو مفكره تشيدين حيلك فلا تدخلينه ابدا لان يبيليك تضغطين ع نفسك شوي
٦-في فرق بين الخدمه الاجتماعيه وعلم اجتماع يقولون في المستقبل راح يفصلونهم بس راح اعلمك الفرق مواد علم اجتماع تجيك دسمه شوي وكلها نظريات واشياء قديمه تحسين ليه ادرسها اما الخدمه فيشمل التطبيق المواد الي يكون فيها من واقعك
وبس والله اتمنى اني قدرت افدتك اي سؤال فا انا حاضره اكتبي وبالتوفيق يارب��