2015- 6- 5
|
#1233
|
|
متميز بملتقى الفنون الأدبية
|
رد: ....تختلف الاراء والافكار ولكنها تتحد في ......((نبض الحروف ))
امي وانا بوصف لها زود حبــــــها وان ماحكيت لها قصيدي حكى لها
أمي لها بالجوف والقــــــلب منزلة مكــــانة ماكل محبوب نالهــــــــا
اقرب من ظلالي وانا وسط غربتي وانا تراي اقرب لها من ظلالــــها
ماشافت عيوني من الـناس غيرها ولا خلق رب الخلايق مثالــــــــــها
أغلى بشر في جملة النــاس كلهم وأكرم من ايدين المزون وهمالها
اتبع رضــــاها وارتجي زود قربها واللي طلبته من حياتي وصالـــها
الصدق مرساها والأشواق بحرها والعطف واحساس الغلا راس مالها
أهيم فيها وابتــــــــسم يوم قلبها يسأل وأنا قلبي يجاوب سؤالها
وان طلبتني شي فزيت منـــدفع أموت أنا وأحمل تعبها بدالـــها
اصبر على الدنيا والاحزان والتعب واحمل على متني فطاحل جبالها
أسهر وأعذب راحة القلب بالـشقا وأعيش أعاني بس يرتاح بالــــها
|
|
التعديل الأخير تم بواسطة بدر 2011 ; 2015- 6- 5 الساعة 11:07 AM
|
|
|
|