ملتقى طلاب وطالبات جامعة الملك فيصل,جامعة الدمام - عرض مشاركة واحدة

Tawah · 2015- 6- 8

اقتباس:

المشاركة الأصلية كتبت بواسطة • شَـچـوڼ ♪

انا اتصلت عليه لين تعبت

راح اسميه ( الهروب الكبير ) ع اساس يصحح لنا الاسئله و يهايط
ولا شفنا شي.. مرح ينفع لا فريدان ولا الدكتور
نعمل هاشتاق حتى لو تسولف فيه عادي

اهم شي ترد حقنا
صراحه ٨١ صدمه

اقل درجه عندي

خلاص مايحتاج يكون رجّال المتحدث الرسمي باسمنا , إنتي قدها وقدود

..
بما إن الدكتور ماردّ ننتقل للخطوة اللي بعدها اللي هو الفريدان ..
هذا هو رقم العمادة - الهاتف المجانّي >> مارح نخسّرك

:
8003030308
اللي يرد عليك أشرحيه له الوضع وكذا , وقولي له إنه فيه مشكلة في نموذج إجابات
الدكتور ودرجاتنا طاروا وحتى أكبرها وأسمنها جابوا B+ مع أنهم متأكدين من الحل وإن
المسألة مو مسألة نجاح بس , مشكلتنا هي إن النسبة تأثرت وأحنا نبغي نحافظ عليها وكذا ..
وإنها حرام تضيع بسبب غلط الدكتور , وإنا نطالب بأن الدكتور يحط نموذج الأجوبة من جديد وفقًا للمحتوى
اللي طالبنا فيه .. وإذا قال لك مايصير هالكلام وكذا قولي له يزيدونا خمس درجات عالأقل بدل الأسئلة اللي
خبص فيها الدكتور وماعوّضنا " أقصد الأسئلة اللي جميع خياراتها خاطئة مثل سلة الخبز و المضيق " ..
وإذا ركب راسه و رفض , قولي له إنا بننسحب من الجامعه , لأنها تفتقد للكفاءة وماعطتنا حقنا وكذا ..
هو مو تهديد لكن هالنقطة تُحسب على الجامعه إنها ما أنصفت الطلّاب , عادت تصحيح الأوراق على عينا وراسنا , لكن الآن واضح أن الغلط من الدكتور كيف تتركه كذا بدون ماتفهم منه شنو السالفة أصلًا ؟!
أما إذا ماردّ من الأساس سوّي هاشتاق وأمرنا لله ..
إذا قدرتي أتصلي من اليوم - في أوقات الدوام الرسمي - إذا ماردوا في الليل سوّي الهاشتاق ..
هو صحيح فيه مواد سمّ مثل مدخل إلى اللغويات والأدب الإنجليزي عصر النهضة , على صعوبتها إلا إن نتائجهم
كانت مرضية جدًا - أنا ما أخذت هالمواد لكن أشوف ردود أفعالهم - وتجيك ماده ماتقارن فيهم "أقصد من ناحية صعوبة المادة عمومًا " وتتفاجأ إن الدرجات مختفية !!!
ما أمزح في سالفة الإنسحاب , هذي المادة أكثر وحدة ذاكرتها هالسمستر , وفي الأخير درجتي كذا ؟! والمشكلة إن الأسئلة كانت سهلة عمومًا بغض النظر عن الأسئلة اللي جاب فيها العيد ..
إذا كنا بنشدّ حيلنا في المذاكرة وفي الأخير درجاتنا يآخذها " الجنّي " بلاش حرق أعصاب وتعب أجل , أريّح راسي أبرك

عذرًا عالإطالة لكن الموضوع جد يقهر :(