عرض مشاركة واحدة
قديم 2015- 6- 8   #8
αℓαα αłкнαłαf
مشرفة ملتقى الدراسات التطبيقية وخدمة المجتمع سابقاً
 
الصورة الرمزية αℓαα αłкнαłαf
الملف الشخصي:
رقم العضوية : 164182
تاريخ التسجيل: Sun Nov 2013
المشاركات: 3,526
الـجنــس : أنـثـى
عدد الـنقـاط : 36267
مؤشر المستوى: 121
αℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond reputeαℓαα αłкнαłαf has a reputation beyond repute
بيانات الطالب:
الكلية: كلية الدراسات التطبيقية
الدراسة: انتظام
التخصص: إدارة أعمال
المستوى: خريج جامعي
 الأوسمة و جوائز  بيانات الاتصال بالعضو  اخر مواضيع العضو
αℓαα αłкнαłαf غير متواجد حالياً
Icon21 رد: | تجميع الآراء والمعلومات حول أعضاء هيئة التدريس |

السلام عليكم ورحمة الله وبركاته ..~
إنعاش للموضوع بالدكاترة اللي درسوني مستويات التأهيلي


المستوى الأول
أ. سارة (عجزت أتذكر لقبها )
اللغة الانجليزية
أكثر شي حبيته فيها انها تحب السوالف ، يمديك تطوري نفسك من ناحية المحادثات
شرحها حلو وواضح ، مشكلتها الوحيدة كانت انها ما تعطينا إلا 5 دقايق بريك وما نطلع من الكلاس
اختباراتها سهلة ومباشرة ما فيها لف ودوران . .

أ. أسماء لطفي
مبادئ الرياضيات + رياضيات الإدارة "مستوى ثاني"
هالانسانة من أفضل الأستاذات اللي درسوني ، كلمة رائع قليلة بحق شرحها
تشرح بذمة وضمير وغالباً توصل لك المعلومة من أول مرة تشرحها
تستقبلك في الساعات المكتبية بصدر رحب ومستعدة تمشي معك لين تفهميه
اختباراتها سهلة وواضحة ، عادة تجيب فقرة وحدة في الاختبار كله تختبر ذكائك وفهمك فيها

أ. إيمان المبيض
مبادئ الإحصاء
من بعد ما أخذت عندها المادة معد صرت أشوفها في الكلية ، أتوقع طلعت لكن بتكلم عنها
مبدعة في شرحها ، وما حسيت أبداً بصعوبة المادة وثقل دمها معها بالعكس تحبي المادة
اختباراتها وكويزاتها سهلة ، بس ركزي معها في الشرح وتجيبي عندها درجات . .

أ. آسية الكعبي - معيدة
مهارات الحاسب الآلي
إنسانة حبوبة وطيبة وتحببك في المادة وأسئلتها بعد حلوة
بس ماأدري وش كانت المشكلة معها في اختبار العملي ، صارت فوضى من البنات
وللأسف هالشي أثر على درجاتنا فيه ؛ لأن البنات سببوا إزعاج . .

أ. خلود السحمي
مهارات الاتصال
ما شاء الله عليها عندها ذاكرة قوية من ناحية حفظ الوجوه
المادة سهلة وشرحها حلو وأسئلتها تحتاج تركيز بس ، إنسانة تحب الإبداع والأشياء الجديدة ..
راح تخليكم تسوون برزنتيشن وانتوا تختاروا بعض والموضوع بعد

أ. رنا الزميع - معيدة
مهارات التعلم
الأستاذة هذي فلة وتنبسطي معها في الشرح ، تطلعك من جو الشرح التقليدي
المادة سهلة ما منها خوف ، وأسئلتها بعد سهلة وواضحة . .

د. فاطمة شحاتة
الصحة واللياقة
سمعت انها طلعت لكن مو متأكدة من الخبر ..
ولو فعلاً طلعت فهي خسارة ، بجد هالدكتورة رائعة من ناحية الشرح
أسئلتها الميدات فيها صعوبة ، لكن الفاينل عكسها سهلة وما تقصر في البونسات


المستوى الثاني
أ. ثناء عزيزي
مبادئ الإدارة
شرحها حلو وتعطي المادة حقها ، أسئلتها واضحة لكن اللي ما حبيته انها ما تبغى بالمفهوم
يعني إذا تبغي تاخذي عندها درجات حلوة احفظي نصاً وتضمني الـ +A عندها

أ. هند الحميدان - معيدة
مبادئ التسويق
جميلة هالأستاذة وحبوبة وشرحها جميل ، حبيت المادة منها
اللي بتحبوه فيها انها نص ساعة بس وتخلص المحاضرة
اختباراتها سهلة سهلة وما تغوص لك في المادة . .

أ. بشرى الغامدي - معيدة
محاسبة مالية (1) + محاسبة مالية (2) "مستوى ثالث"
على انها لسه جديدة ولها سنة بس من جات لكن لها صيت في الكلية
شرحها جميل وحبوبة وترتاحي معها حتى في الكلام ، خليك معها أول بأول
أسئلتها سهلة وما تلف وتدور فيها ، ركزي بس وتجيبي الـ +A . .

د. إيمان البغا
عقيدة وأخلاق + نظام اجتماعي + نظام اقتصادي
ما راح أتكلم عنها لأنها طلعت من الكلية . .

أ. نادية الماحي
اقتصاد جزئي
جميلة جداً هالانسانة وحبوبة مرة ، مبدعة في شرحها وما تطلعي من المحاضرة إلا وانتي فاهمتها
تحببك في المادة ، أهم شي عندها المشاركة ثم المشاركة ثم المشاركة اهتمي فيها . .
لأنها تساعدك بالدرجات لو شافتك مهتمة بالمادة وتشاركي معها ، اختباراتها سهلة وخاصة الميدات
حاولي تجيبي مجموع حلو قبل الفاينل ، لأنها احتمال تصعبها شوي


المستوى الثالث
د. نجوى البدالي
أخلاقيات العمل
شرحها حلو وهي كلها ع بعضها عسل وحبوبة مرة
أسئلتها مو صعبة لكن تحتاج تركيز ولا تتسرعي في الاجابة فكري كويس أول . .

د. محمود توني

اقتصاد كلي + طرق بحث "مستوى رابع"
مبدع هالدكتور ويشرح لك المادة بذمة وضمير ، يحب اللي يركز معه في المحاضرة
ويفضل الفهم أكثر من الحفظ ، أسئلته سهلة وزي ما قلت يعتمد فيها ع الفهم

د. فاطمة النور
إحصاء الإدارة
سمعت عنها كلام كثير قبل أدرس عندها ، لكن شفتها عكس اللي سمعته
ع ثقل دم المادة إلا انها تسهلها عليك وتفهمك اياها كويس ، اختباراتها سهلة وكلها من الشرح
كثير طالبات كانوا حاملين المادة وجابوا معدلات حلوة عندها مو بس عدوها . .


المستوى الرابع

أ. فرح الزامل - معيدة
مبادئ الإدارة المالية
لسه جديدة هالترم بس جاتنا ، شرحها حلو والمادة معها ممتعة
اختباراتها سهلة نوعاً ما ، مشكلتها توزيع الدرجات بس لو تغيره

د. حياة أبو النجا
قانون تجاري
مهما قلت عنها ما راح أوفيها حقها ، دكتورة بمعنى الكلمة وشرحها ولا أروع وعسل وحبوبة
مستعدة تعيد وتزيد لين توصل لك المعلومة ، وما شاء الله عليها عندها رحابة صدر كبيرة
ع كثر ما تروحي لها ساعات مكتبية تنبسط عليك وما تحسسك أبد انك مثقلة عليها ..
اختباراتها تعتمد ع الفهم بشكل كبير ، ركزي بس وانتي تجاوبي ولا تتسرعي في الاجابة ولا تخافي
وأهم شي ذاكري المادة أول بأول وراح تمشي فيها ، المادة جداً ممتعة معها

د. زياد ثلجي
مهارات كتابة إدارية
المادة معه سهلة واختباراته بعد ، ما راح تتعبي كثير فيها

أ. أمينة التميمي
نظام سياسي في الإسلام
ما شاء الله عليها تمضي الساعتين معها بسرعة ، طيبة واختباراتها سهلة وخفيفة

د. أنس ساتي
مهارات إدارية
شرحه حلو وركزوا معه في النظريات وهو يشرحها راح يبسطها لكم . .
اختباراته سهلة وينزل مراجعة قبل كل اختبار ، وتصحيحه دائماً في صالحنا
يعني لو جبتوا العيد في الكلام وكان 70% منه صح يعطيكم الدرجة


طبعاً هذا رأيي وأكيد يختلف من شخص لثاني ، اللي أبغى أوصله لكم لا تتأثروا كثير بالكلام
لأن فعلاً كنت أسمع كلام كثير يخوف لكن لما أدرس عند الدكتور/ة ما أشوف شي منه
أسأل الله التوفيق والسداد لكم أحبتي


التعديل الأخير تم بواسطة αℓαα αłкнαłαf ; 2015- 6- 8 الساعة 09:39 PM
  رد مع اقتباس