مساء الخير ؛
قبل لا تغيرين تخصصك او تفكرين بتخصص ثاني في بالك اقري عن جميع التخصصات اللي حاطتها ببالك شوفي عنها اقري اسمعي تجارب الغير اعرفي متطلبات كل تخصص مواده دكتوراته طبيعة الدراسه فيه اقري عن التخصص من جميع النواحي
نجي لعلم اجتماع اسم التخصص"علم الاجتماع و الخدمة الاجتماعية" جامعة الدمام تدرسنا مسارين وهذي ميزة حلوه و الجامعات الباقي اظن اختياي بين مسار علم الاجتماع و الخدمة الاجتماعية
علم الاجتماع مواده دسمه نظريات و علماء اما الخدمة الاجتماعية سهله و بسيطه عن الاسره الطفل و خفيفه مرره ومافيها نظريات و علماء كثار كلها اشياء خفيفه
ايضًا عندنا تدريب ميداني ننزل ٣ مرات كل سنه مره و يكون طول السمستر ومره وحده في الاسبوع وهذا جدًا جميل وحلو
بالنسبه للدكتورات في كل تخصص لازم فيه الشين وفيه الزين وفيه الطيب اللي يعطي درجات و الطيب اللي ينقص والخ.
بشكل عام في دكتورات يفوقون الروعة و في دكتورات كويسات لكن بالدرجات لك عليهم
التخصص متعب بس جميل جدًا ممتع يعني لو تفكرين فيه يبي له تشدين حيلك فيه يعني دراسة اول بأول
المستقبل حلو تقدرين تشتغلين كباحثه اجتماعيه او اخصائية اجتماعية بحكم انه ندرس مسارين
في المستشفيات المدارس الجمعيات السجون
التخصص يغير فيك للأفضل واقولها عن تجربه احس اسلوبي كلامي شخصيتي تغيرت صرت اخذ الامور بأكثر اتزان و عقلانية
هذي نبذه بسيطه مقدر افيدك اكثر لانه صارلي سنه بس في التخصص
الله يوفقك يارب