ملتقى طلاب وطالبات جامعة الملك فيصل,جامعة الدمام - عرض مشاركة واحدة - اللغة الانجليزية قسم "اللغة الإنجليزية" الاستفسار عن الدكاترة والمقررات وغيرها ~

ارتـــواء. · 2015- 6- 17

اقتباس:

المشاركة الأصلية كتبت بواسطة rwary ~

اللي درسوا مهارات التحدث احكوا لنا تجربتكم مع هالمادة هل تشبه الاستماع والتحدث أو كيف نظامها؟ وفيها اختبارات او مجرد بروجكت ؟

+ ان شاء الله بدرس مدخل الى اللغويات صيفي لاني متأخرة فيه
هل فيه صعوبة لو درست اللغويات ومهارات التحدث مع بعض؟ بالصيفي اقصد
خصوصاً ان دكتورة المهارات مانعرف عنها شي، واللغويات عند محمد فتحي < مافي غيره d: !
وبتصير كلاسات مهارات التحدث مع اللغويات بنفس اليوم < احس صعبة برمضان وكذا

مادة مهارات التحدث تعتمد على الأستاذ بشكل أساسي؛ لأن ما فيها كتاب أو منهج معين فكل أستاذ بيقدم المنهج بالطريقة اللي يشوفها صح. المادة ما فيها كتاب ولا مذاكرة بمعنى مذاكرة وهذا أحسن شيء، يعني التعب فيها أنك بتحضرين مواضيع معينة وتتدربين على التحدث عنها. حنا طريقة أستاذتنا كنا اليوم الأول تتكلم لنا عن موضوع معين ونتناقش فيه (يعني اللي تبي تتناقش بس مش إجباري)، ونهاية المحاضرة تقولنا أيش المطلوب منا نقدمه اليوم الثاني، واليوم الثاني كل طالبة تتكلم في الموضوع اللي حضرته وحنا جالسين في أماكنا وتقيمنا. والمادة نقدم فيها برزنتيشن، وفيها بعد اختبار نصفي ونهائي. طريقة الاختبار كان ما فيه تحضير أو شيء يعني تجي كل طالبة وتختار موضوع بين عدة مواضيع تكون الأستاذة محضرتهم، وإحنا نختار الموضوع بدون ما نعرف أيش الموضوع اللي اخترناه يعني أنت وحظك بالموضوع. وتسألك الأستاذة كم سؤال في هذا الموضوع أو تطلب منك تتكلمين عنه وانتهى الاختبار. بس ما أدري إذا الأساتذة الثانين كذا يقدمون اختباراتهم في هالمادة أو لا.

ما أشوف أن في مشكلة تأخذينها مع اللغويات لأن مهارات التحدث تعتبر مادة خفيفة نوعًا من ناحية أنها ما تتطلب تعب أو جهد ذهني مثل اللغويات، فممكن عادي يكونون مع بعض. وبالتوفيق. : )