[align=justify][align=justify]السلام عليكم ورحمة الله وبركاته [/align][/align][align=justify][align=justify]بداية اعانك الله اخوي وفرج همك
انا قريت الموضوع والردود كامله ولا عندي اي اضافه بخصوص التوظيف
لكن بنقل لك ولبقية الاخوان والاخوات تجربتين لاثنين من زملائي
الاول تخرج من جامعة الملك عبدالعزيز (انتساب) وليس تعليم عن بعد تخصص علم اجتماع عام 1432هـ وبعد التخرج بكم شهر قدم على ماستر بنفس الجامعة وانقبل انتظام بنفس التخصص والدراسة يومين نهاية الاسبوع مساءاً وتخرج والان موظف بالصحة بحائل الله يوفقه,,,,
اماالثاني كان عسكري تخرج من جامعتنا (تعليم عن بعد)تخصص ادارة اعمال عام 1433هـ وقدم ماستر (تخصص دقيق بالحاسب الآلي مايحضرني اسمه) بجامعة الملك سعود بالرياض بنفس نظام الدراسه لكن ما قبلوه الا بعد معاناه يعلمها رب العالمين لدرجة انه اضطر ياخذ اجازه من عمله لمتابعة موضوعه وكان يوميا يراجع الجامعه حتى الموظفين صاروا يعرفونه (باختصار نشب لهم) حتى قبلوه
والسبب ان مافيه نظام من الدولة يمنع خريجي الانتساب والتعليم عن بعد من مواصلة الدراسه كل ما هنالك قرارات من مجالس الجامعات نفسها عشان كذا تحصل تفاوت جامعه تقبل وجامعه ترفض (مزاجيه بإختصار) مع العلم ان بعض الجامعات اللي ترفض عندها برامج انتساب وتعليم عن بعد
ونرجع لموضوع خوينا اللي انقبل بجامعة الملك سعود تخرج و قدم على الخدمة المدنية بالماستر والآن موظف باحد الدوائر الحكومية بالرياض الله يوفقه,,,
والصراحه تجربتهم هي السبب بعد الله بتشجيعي لمواصلة الدراسه.
وانصحك اخوي بعد دعاء الله ادخل مواقع الجامعات وابحث عن الماستر والتسجيل غالبا يكون اون لاين يعني ما يحتاج مشاوير والله يوفقك ويفرج همك
[/align][/align]