2015- 6- 17
|
 |
مُتميزة بقسم الفنون الأدبية
|
|
|
|
اجيك كلي يوم كلي " فداياك "
صعبه اعيش ايام {عمري} بلياك
وانت الحياة بدون شوفك كابه !
تعال خذني } لاخر حدود دنياك
مليت اقاسي من زماني عذابه !!
حاولت لكن ما تحملت فرقاك
بعدك عذاب وفي حضورك مهابه !!
{ للشوق } فيني شي لا ماعتقد جاك
حول حياتي للملل والرتابه
اوقات اشوف ان الغلا ما تعداك
واحيان احس ان الهوا للغلابه !!
بين المحال وبين خافي نواياك
حار السؤال ولا لقيت الاجابه !!
كانك تقول هموم وقتك تقفاك
وش حيلة اللي صار همه زهابه !!
يطرد سرابك في متاهات رجواك
نفس الطريق اللي مشيته مشابه
{ قلب يحبك } كيف يسلا وينساك
ماللفضاء لو شفت دونك رحابه
خليتني عايش على حد الادراك
مثل الجريح اللي تمادي صوابه
{ ماحد ملا عيني من الناس لولاك
في غيبتك كل الاوادم تشابه }
{ هذا الشعور اللي من اقصاي ينخاك
يبي القليل وما عطيته رضى به }
كل القصايد داخلي همها ارضاك
{ حبك } مدادي لا بغيت الكتابه !
اجيك { كلي } يوم { كلي } فداياك
كلش يهون الا { الحبيب و غيابه }
{ رد الوفاء والحب للي تمناك
قفا العمر واحلى ليالي شبابه }
جاتك مشاعر مالها غير شرواك
دامك { ملكت الروح وين الغرابه ...!!
|